УИХ-ын нэгдсэн хуралдаан болж байна. Хуралдааны эхэнд Ерөнхий сайд Г.Занданшатар бүрэн эрхийнхээ хүрээнд Тэргүүн Шадар сайдаар Ж.Энхбаярыг, ХХААХҮ-ийн сайдаар М.Бадамсүрэнг томилож буйгаа мэдэгдэв.

Ж.Энхбаяр нь хуульч мэргэжилтэй, улсад 31 ажилласан, УИХ-ын гишүүнээр дөрвөн удаа сонгогдсон. Мэргэжлийн хяналт, Хөдөө аж ахуй, Батлан хамгаалах, Үндэсний аюулгүй байдлын салбарт бодит үр дүн гаргаж ажилласан туршлагатай. М.Бадамсүрэн нь төрийн удирдлагын менежер мэргэжилтэй, улсад 18 жил ажилласан.

Тулгамдсан асуудлуудад бодит шийдэл гаргах ур чадвар, хөдөө орон нутагт олон жил удирдан зохион байгуулах ажил гүйцэтгэсэн, ажил хэрэгч зан чанарыг нь  харгалзан салбарын сайдаар томилж байгааг Ерөнхий сайд Г.Занданшатар хэллээ.