УИХ-ын намрын чуулганы завсарлагаанаар УИХ-ын гишүүн О.Батнайрамдал Стэнфордын их сургуульд ардчилал, хууль эрх зүйн чиглэлээр зочин судлаачаар ажиллахаар АНУ-ыг зорьжээ.

Тэрбээр АНУ-ын Калифорни муж дахь Стэнфордын их сургуулийн Ардчилал, Хууль эрх зүйн төвд (Center on Democracy, Development and the Rule of Law) зуны зочин судлаачаар гурван долоо хоногийн турш суралцах аж.

Ардчилал, хууль эрх зүйн чиглэлээрх дэлхийн шилдэг эксперт багш нараар хичээл заалгаж, дэлхий даяар дээрх чиглэлээр тулгамдаж буй асуудлууд болон гарц шийдлийн талаар 30 гаруй орноос ирсэн төлөөлөгчид нэг ангид суралцаж, номын дуу сонсох юм байна.

Тэрбээр шинээр сурсан мэдлэг, мэдээллийг өдөр бүр хуваалцах болно гэж өөрийн цахим хуудсаараа дамжуулан мэдээлэв.