Цүнхний жинг хүүхдийн биеийн жингийн 10 хувиас хэтрүүлэхгүй байхыг ДЭМБ, ЭМЯ-аас зөвлөдөг.

Цүнхний загвар, хэрэглээ

• Нуруунд жигд ачаалал өгөхүйц хоёр мөрөнд үүрдэг байх.
• Хөнгөн материалтай, тоноглол багатай, ачааллыг жигд хуваарилахад тустай олон тасалгаатай байх.
• Цүнхний оосор өргөн, материал нь хөлөргөдөггүй байх.
• Цацруулагчтай байх (хэрэв таны сонгосон цүнх цацруулагчгүй бол нэмэлтээр 3 талд нь цацруулагч хийх).
• Цүнхэндээ зөвхөн тухайн өдрийн хэрэгтэй зүйлсийг хийх дүрэм, дадал хэвшүүлээрэй.

Сургуулийн орчны зохион байгуулалт 

• Сургуулийн анги танхимд эсвэл коридорт сурагч бүрд зориулсан хувийн шүүгээ байршуулах.
• Хичээлийн хуваарийг оновчтой төлөвлөн хүнд номтой хичээлүүдийг өдөр бүр давхцуулалгүйгээр зохион байгуулах.
• Гэрийн даалгавар, бие даалтыг хэвлэмэл материал, нээлттэй эх сурвалжаас хийх менежментийг хэрэгжүүлээрэй.

Эцэг эх, асран хамгаалагч, багш нарын хамтын ажиллагаа 

• Эцэг эх, асран хамгаалагч та хүүхдийнхээ цүнхэнд шаардлагагүй зүйлс байгаа эсэхийг шалгах. 
• Эцэг эх, асран хамгаалагч та хүүхдийн хичээлийн хэрэгслийг сонгохдоо хөнгөн, овор хэмжээ бага байхаар сонгох.
• Багш та сурагчдаа зөвхөн тухайн өдрийн хичээлдээ шаардлагатай хэрэглэгдэхүүнийг цүнхэндээ авч ирэхийг зөвлөх.
• Багш та хүүхдийн цүнх хүнд байгаа эсэхийг анзаарч, эцэг эх асран хамгаалагч нарт сануулж хамтран ажиллаарай.

Эх сурвалж: БЕГ