"Монгол Контент" ХХК-ийн шинээр нэвтрүүлээд буй sonsy аппликэйшн нь Австралийн Tuned Global-тай хамтарч, зөвхөн Монголын сонсогчдод төдийгүй уран бүтээлчид, хөгжмийн салбарын оролцогчдод дэлхийн жишигт нийцсэн шинэ боломжуудыг үйлчилгээндээ нэвтрүүллээ. 

SONSY- ийн тухай: 

Монголын хөгжмийн зах зээлд цоо шинэ үйлчилгээг нэвтрүүлж буй sonsy аппликэйшн нь  монгол дуу хөгжим, дотоодын уран бүтээлчдийн аудио контентыг монгол хэрэглэгчдийн соёл, сонсох дадалд нийцүүлэн өндөр чанартайгаар хүргэх шинэлэг үйлчилгээ юм. Энэхүү аппликэйшн нь зөвхөн дуу, хөгжмийн бүтээлүүдийн сан биш, харин монгол хөгжмийн хэрэглээнд шинэ өнгө, шинэ эрч хүч нэмж буй дижитал ертөнцийн цоо шинэ алхам болж буй.  

🎶Хязгааргүй сонсох эрх чөлөө: Та өөрийн хүссэн дуугаа хэдэн ч удаа сонсох боломжтой.  

🎶Өндөр чанартай дуу хөгжим: CD-ний түвшний аудио чанар бүхий дууг та өөрийн гар утас, автомашиндаа  ч сонсох боломжтой. 

🎶Оффлайн горим: Интернэтгүй үед ч дуугаа тасралтгүй сонсоорой. Та гэртээ, хөдөө аялалд, амралт зугаалгаар гээд хаана ч байсан sonsy-той хамт байхад хөгжим хэзээ ч тасрахгүй. 

🎶Монгол уран бүтээлчдээ дэмжих бодит дэмжлэг: Хэрэглэгч sonsy апп-ыг ашиглаж, дуу хөгжим сонссоноор Монголын уран бүтээлчийг дэмжих бодит дэмжлэг болно. 

TUNED GLOBAL-ийн тухай: 

Tuned Global бол хөгжмийн болон медиа технологийн тэргүүлэх платформ бөгөөд бизнесүүдэд лицензтэй хөгжмийг өөрсдийн аппликэйшнуудад нэгтгэх, иж бүрэн стримингийн туршлагыг нэвтрүүлэхэд тусалдаг. Өгөгдөл болон дэвшилтэт хиймэл оюун ухаанд тулгуурлан хөгжмийг өргөн хүрээнд түгээж, хамтрагч байгууллагууддаа хөгжмийн чанартай үйлчилгээг хурдтай нэвтрүүлэх, илүү үр ашигтай ажиллах, уран бүтээлчдийг үзэгчидтэй нь илүү ойр холбох боломж олгодог. 

2011 оноос хойш Tuned Global нь телеком, фитнесс, тоглоом, эрүүл мэнд, медиа, нисэхийн салбарт 70 гаруй улсад дижитал үйлчилгээгээ түгээж ирсэн. Тэд Delta Air Lines, Lululemon, Samsung, Line Music, Gabb, Reactional зэрэг дэлхийн брэндүүдтэй ажилласан туршлагатай. 

Sonsy апп нь Tuned Global-ийн White-Label стриминг апп загварыг ашиглан бүтээгдсэнээрээ Монголын анхдагч болж байна. 

SONSY + TUNED GLOBAL хамтын ажиллагааны давуу тал: 

Дэлхийн түвшний үйлчилгээ – Монголын хэрэглэгчид олон улсын гол стримингийн платформын стандарттай ижил үйлчилгээг ашиглана. 

15 жилийн туршлага – Баталгаат системийг туршихын оронд баталгаатай, олон улсад нотлогдсон шийдлийг Монголд нэвтрүүлж байна. 

Хувь хүнд тохирсон үйлчилгээ – Tuned Global-ийн TunedIQ технологиор дамжуулан хэрэглэгчийн сонсох дадал, сонирхолд үндэслэн хувь хүнд тохирсон хөгжмийн сонголт санал болгоно 

Аюулгүй, найдвартай платформ – Дэлхийн стандартад нийцсэн аюулгүй байдал, үйл ажиллагааны стандартыг (SOC2, ISO 27001) хангасан. 

Дэлхийн шилдэг брэндүүдийн итгэсэн систем – Samsung, Lululemon, Sony Music, Warner Music Group, Universal Music зэрэг дэлхийд танигдсан компаниудын ашигладаг системийг Монголд нутагшуулж байна. 

Олон төхөөрөмжид нийцтэй – Гар утас, таблет, компьютер дээр ашиглах боломжтой. 

Хөгжих боломж – Цаашид Монголын хөгжмийн уран бүтээлчдийг олон улсад таниулах, хөгжмийн зах зээлийг өргөжүүлэх боломжтой. 

Өөрөөр хэлбэл, sonsy нь зөвхөн Монголын хөгжмийн сонсогчдод төдийгүй уран бүтээлчид, хөгжмийн салбарын оролцогчдод дэлхийн жишигт нийцсэн шинэ боломжуудыг санал болгож буй юм. Тодруулбал, уран бүтээлчид өөрийн бүтээлээ өргөн хүрээний хэрэглэгчдэд хүргэх, олон улсын түвшинд түгээх, хэрэглэгчийн датан дээр үндэслэн уран бүтээлээ сурталчлах шинэ боломжууд нээгдэнэ.  

Б.ҮНЭНБАТ: МОНГОЛЫН ДИЖИТАЛ ХӨГЖМИЙН ЕРТӨНЦӨД ХИЙЖ БУЙ НЭГЭН ТОМ АЛХАМ БОЛ SONSY 

Sonsy платформын эзэмшигч “Монгол Контент” ХХК-ийн Гүйцэтгэх захирал Б.Үнэнбат:
- Бид sonsy платформыг албан ёсоор нэвтрүүлж буй нь Монголын дижитал хөгжмийн салбарт нэгэн томоохон шинэ үеийг эхлүүлж байна. Монголын зах зээлд 20 гаруй жилийн туршлагатай, хөгжмийн болон оюуны өмчийн эрхийн чиглэлд амжилттай ажилласаар ирсэн “Монгол Контент” ХХК-ийн дэмжлэгээр, дотоодын уран бүтээлчдийг тууштай дэмжсэн үнэт туршлагын суурин дээр Sonsy бий боллоо. “Tuned Global”-тай хамтран ажилласнаар бид энэхүү үнэт өв уламжлалыг дэвшилтэт технологи, олон улсын туршлагатай хослуулан, дэлхийн түвшний стриминг үйлчилгээг хүргэхийн зэрэгцээ Монгол уран бүтээлийг илүү өргөн хүрээний сонсогчдод хүргэх шинэ боломжийг нээж байна.

КОН РАСО: БИДНИЙ СТРИМИНГИЙН ТУРШЛАГА, SONSY-ГИЙН АЛСЫН ХАРАА ХОЁР НЯГТ НИЙЦСЭН 

"Tuned Global" компанийн Гүйцэтгэх захирал Кон Расо:
- Монголын хөгжмийн салбарын хөгжлийг дэмжихээр Sonsy-той хамтран ажиллаж буйдаа бид баяртай байна. Манай дэлхийн стримингийн туршлага, sonsy-гийн алсын хараа хоёр нэгдсэнээр уран бүтээлчдийг сонсогчидтой нь холбосон дэлхийн түвшний хөгжмийн үйлчилгээг хүргэнэ. Энэхүү хамтын ажиллагаа нь өгөгдөл ба хиймэл оюуны тусламжтайгаар хувь хүнд илүү тохирсон хөгжим сонсох туршлагыг бий болгож, дотоодын уран бүтээлчдэд шинэ боломжийг нээж байна.