Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
43
Нийслэлээс зарласан сонгон шалгаруулалтад гурван ААН саналаа ирүүлжээ.
Хан-Уул дүүргийн 12 дугаар хороонд 35 МВт эрчим хүч үйлдвэрлэх хүчин чадалтай Хог шатааж, эрчим хүч гаргах үйлдвэр барих төслийн хэлэлцээнд
- “Наанова грийн энержи Монголиа” ХХК,
- “Сычуань эрчим хүчний хөрөнгө оруулалт, эрчим хүчний хэмнэлт, байгаль орчныг хамгаалах хөрөнгө оруулалт” ХХК,
- “Шанхай Эс Юу Эс” ХХК гэх гурван оролцогч саналаа ирүүллээ.
Нийслэлийн Засаг даргын нэгдүгээр орлогч Т.Даваадалай “Улаанбаатар хотыг хөгжүүлэх 24 мега төслийн хүрээнд “Хог шатааж, эрчим хүч гаргах үйлдвэр” төслийн “Зураг төсөл, төсвийг боловсруулах, барих, ашиглах, шилжүүлэх”, “Ашиглалт болон засвар арчлалтыг хэрэгжүүлэх”, “Удирдлагыг хэрэгжүүлэх” хэлбэрээр түншлэлийн гэрээ байгуулах, хэлэлцээ хийж сонгон шалгаруулалтгүй түншлэлийн гэрээ байгуулах журмын дагуу хувийн хэвшлүүдэд урилга, баримт бичгийг хүргүүлсэн.
Төр, хувийн хэвшлийн тухай хуулийн дагуу зургаадугаар сарын 26-наас долоодугаар сарын 18-ны 12:00 цаг хүртэл баримт бичгийг хүлээн авч, хэлэлцээнд оролцох саналыг дээрх гурван компани албан ёсоор ирүүлээд байна. Цаашид оролцогчидтой хэлэлцээ хийх ажиллагааг хууль, журмын дагуу олон нийтэд нээлттэй мэдээлнэ” гэв.
Засгийн газрын 2021-11-10-ны ээлжит хуралдаанаар нийслэлд хог шатааж эрчим хүч гаргах үйлдвэр байгуулах төслийн урьдчилсан судалгаа, шаардагдах хөрөнгийн эх үүсвэр, хэрэгжүүлэх боломжит бүтцийг тодорхойлох хамтарсан ажлын хэсэг байгуулахыг Эрчим хүчний сайд Н.Тавинбэх, Нийслэлийн Засаг дарга бөгөөд Улаанбаатар хотын Захирагч Д.Сумъяабазар нарт даалгасан.
Засгийн газрын үйл ажиллагааны хөтөлбөрийг хэрэгжүүлж, хог шатааж эрчим хүч гаргадаг үйлдвэр байгуулбал 2024 оноос нийт хог хаягдлын 31 хувийг шатаах үйлдвэрт устгаж, төвлөрсөн хогийн цэгт булдаг хаягдлыг мөн хувиар бууруулах боломж бүрдэнэ гэж үзжээ.
Урьдчилсан тооцоогоор Улаанбаатар хот 2040 он гэхэд нийт хог хаягдлын 50 хувь буюу дахивар нөөцийг дахин боловсруулж, боловсруулах боломжгүй 42 хувийг шатааж устган, эрчим хүч гарган, төвлөрсөн хогийн цэгийн ландфилд дарж булшлах хог хаягдлын хэмжээг бууруулах зорилт тавьжээ.
Гэвч энэ төсөл өнөөг хүртэл хэрэгжээгүй байна.
Нийслэлээс зарласан сонгон шалгаруулалтад гурван ААН саналаа ирүүлжээ.
Хан-Уул дүүргийн 12 дугаар хороонд 35 МВт эрчим хүч үйлдвэрлэх хүчин чадалтай Хог шатааж, эрчим хүч гаргах үйлдвэр барих төслийн хэлэлцээнд
- “Наанова грийн энержи Монголиа” ХХК,
- “Сычуань эрчим хүчний хөрөнгө оруулалт, эрчим хүчний хэмнэлт, байгаль орчныг хамгаалах хөрөнгө оруулалт” ХХК,
- “Шанхай Эс Юу Эс” ХХК гэх гурван оролцогч саналаа ирүүллээ.
Нийслэлийн Засаг даргын нэгдүгээр орлогч Т.Даваадалай “Улаанбаатар хотыг хөгжүүлэх 24 мега төслийн хүрээнд “Хог шатааж, эрчим хүч гаргах үйлдвэр” төслийн “Зураг төсөл, төсвийг боловсруулах, барих, ашиглах, шилжүүлэх”, “Ашиглалт болон засвар арчлалтыг хэрэгжүүлэх”, “Удирдлагыг хэрэгжүүлэх” хэлбэрээр түншлэлийн гэрээ байгуулах, хэлэлцээ хийж сонгон шалгаруулалтгүй түншлэлийн гэрээ байгуулах журмын дагуу хувийн хэвшлүүдэд урилга, баримт бичгийг хүргүүлсэн.
Төр, хувийн хэвшлийн тухай хуулийн дагуу зургаадугаар сарын 26-наас долоодугаар сарын 18-ны 12:00 цаг хүртэл баримт бичгийг хүлээн авч, хэлэлцээнд оролцох саналыг дээрх гурван компани албан ёсоор ирүүлээд байна. Цаашид оролцогчидтой хэлэлцээ хийх ажиллагааг хууль, журмын дагуу олон нийтэд нээлттэй мэдээлнэ” гэв.
Засгийн газрын 2021-11-10-ны ээлжит хуралдаанаар нийслэлд хог шатааж эрчим хүч гаргах үйлдвэр байгуулах төслийн урьдчилсан судалгаа, шаардагдах хөрөнгийн эх үүсвэр, хэрэгжүүлэх боломжит бүтцийг тодорхойлох хамтарсан ажлын хэсэг байгуулахыг Эрчим хүчний сайд Н.Тавинбэх, Нийслэлийн Засаг дарга бөгөөд Улаанбаатар хотын Захирагч Д.Сумъяабазар нарт даалгасан.
Засгийн газрын үйл ажиллагааны хөтөлбөрийг хэрэгжүүлж, хог шатааж эрчим хүч гаргадаг үйлдвэр байгуулбал 2024 оноос нийт хог хаягдлын 31 хувийг шатаах үйлдвэрт устгаж, төвлөрсөн хогийн цэгт булдаг хаягдлыг мөн хувиар бууруулах боломж бүрдэнэ гэж үзжээ.
Урьдчилсан тооцоогоор Улаанбаатар хот 2040 он гэхэд нийт хог хаягдлын 50 хувь буюу дахивар нөөцийг дахин боловсруулж, боловсруулах боломжгүй 42 хувийг шатааж устган, эрчим хүч гарган, төвлөрсөн хогийн цэгийн ландфилд дарж булшлах хог хаягдлын хэмжээг бууруулах зорилт тавьжээ.
Гэвч энэ төсөл өнөөг хүртэл хэрэгжээгүй байна.