Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
12
Хууль зүй, дотоод хэргийн сайдаар ахлуулсан Стратегийн ач холбогдол бүхий ашигт малтмалын ордын тусгай зөвшөөрлийг хуулийн дагуу олгосон эсэхийг шалгаж, дүгнэлт гаргах үүрэг бүхий ажлын хэсгийн ээлжит хуралдаан өнөөдөр боллоо.
Ажлын хэсгийн бүрэлдэхүүн стратегийн ач холбогдол бүхий тусгай зөвшөөрөл эзэмшигч 41 хуулийн этгээдийн 83 тусгай зөвшөөрөл тус бүр дээр хяналт шалгалт хийж байна.
Тусгай зөвшөөрлийн хувийн хэргийн бүрдүүлбэр, эцсийн өмчлөгчийн шилжилт хөдөлгөөн, ашигт малтмалыг экспортод гаргасан хэмжээ, татвар төлөлт, шүүхийн маргаан, байгаль орчны үнэлгээ, нөхөн сэргээлт болон ордуудын хил хязгаар тогтоох зэрэг асуудлууд дээр нарийвчлан үзлэг шалгалтыг хийжээ. Мөн мэдээлэл цуглуулан дүгнэлт гарган ажиллаж байна.
Цагдаагийн байгууллагаас хийж буй мэдээллээр хуулийн этгээдүүдийн эцсийн өмчлөгч 198 удаа шилжсэн. Энэ нь татвараас зайлсхийж байгаа асуудал байж болзошгүй.
Хуулийн этгээдүүдийн эцсийн өмчлөгч 198 удаа шилжсэн. Энэ нь татвараас зайлсхийж байгаа асуудал байж болзошгүй.
Мөн тусгай зөвшөөрлийг сунгаагүй, байгаль орчны үнэлгээ таван жил тутамд хийлгээгүй, нөхөн сэргээлтийн мөнгөө тусгай дансанд байршуулаагүй, тухайн жилийн байгаль орчныг хамгаалах менежментийн төлөвлөгөөгөө батлуулаагүй зэрэг нийтлэг зөрчил илэрчээ.
Хуралдааны төгсгөлд Ажлын хэсгийн ахлагч, ХЗДХ-ийн сайд Л.Мөнхбаатар “Цагдаагийн ерөнхий газар, Ашигт малтмал, газрын тосны газар, Татварын ерөнхий газрын ажлын хэсгийн төлөөлөл хамтран тусгай зөвшөөрлийн шилжилт хөдөлгөөн хийхдээ татвараа бүрэн төлсөн эсэх талаарх дүгнэлт гаргах, тусгай зөвшөөрөл эзэмшиж буй хуулийн этгээдээс олборлосон ашигт малтмалыг экспортолсон дүн мэдээг үндэслэн гааль, татвар, цагдаагийн байгууллагаас нэгдсэн байдлаар тулгаж, олборлосон, татвар төлсөн,хилээр гаргасан тоо баримт хоорондоо нийцэж байгаа эсэхээр дүгнэлт гаргах талаар чиглэл өглөө.
Түүнчлэн стратегийн ордод тусгай зөвшөөрөл эзэмшигч зарим хуулийн этгээдийн тусгай зөвшөөрлийн төлбөр төлөгдөөгүй, хугацаа хоцроосныг нарийвчлан шалгаж, дүгнэлт, саналын хамт дараагийн ажлын хэсгийн хурлаар танилцуулах үүрэг өглөө.
Хуралдаанд Авлигатай тэмцэх газар, Цагдаагийн ерөнхий газар, Тагнуулын ерөнхий газар, Гаалийн ерөнхий газар, Ашигт малтмал, газрын тосны газар, Татварын ерөнхий газар, Үндэсний геологийн албанаас мэдээлэл хийж, санал солилцлоо гэж тус яам мэдээлэв.
Хууль зүй, дотоод хэргийн сайдаар ахлуулсан Стратегийн ач холбогдол бүхий ашигт малтмалын ордын тусгай зөвшөөрлийг хуулийн дагуу олгосон эсэхийг шалгаж, дүгнэлт гаргах үүрэг бүхий ажлын хэсгийн ээлжит хуралдаан өнөөдөр боллоо.
Ажлын хэсгийн бүрэлдэхүүн стратегийн ач холбогдол бүхий тусгай зөвшөөрөл эзэмшигч 41 хуулийн этгээдийн 83 тусгай зөвшөөрөл тус бүр дээр хяналт шалгалт хийж байна.
Тусгай зөвшөөрлийн хувийн хэргийн бүрдүүлбэр, эцсийн өмчлөгчийн шилжилт хөдөлгөөн, ашигт малтмалыг экспортод гаргасан хэмжээ, татвар төлөлт, шүүхийн маргаан, байгаль орчны үнэлгээ, нөхөн сэргээлт болон ордуудын хил хязгаар тогтоох зэрэг асуудлууд дээр нарийвчлан үзлэг шалгалтыг хийжээ. Мөн мэдээлэл цуглуулан дүгнэлт гарган ажиллаж байна.
Цагдаагийн байгууллагаас хийж буй мэдээллээр хуулийн этгээдүүдийн эцсийн өмчлөгч 198 удаа шилжсэн. Энэ нь татвараас зайлсхийж байгаа асуудал байж болзошгүй.
Хуулийн этгээдүүдийн эцсийн өмчлөгч 198 удаа шилжсэн. Энэ нь татвараас зайлсхийж байгаа асуудал байж болзошгүй.
Мөн тусгай зөвшөөрлийг сунгаагүй, байгаль орчны үнэлгээ таван жил тутамд хийлгээгүй, нөхөн сэргээлтийн мөнгөө тусгай дансанд байршуулаагүй, тухайн жилийн байгаль орчныг хамгаалах менежментийн төлөвлөгөөгөө батлуулаагүй зэрэг нийтлэг зөрчил илэрчээ.
Хуралдааны төгсгөлд Ажлын хэсгийн ахлагч, ХЗДХ-ийн сайд Л.Мөнхбаатар “Цагдаагийн ерөнхий газар, Ашигт малтмал, газрын тосны газар, Татварын ерөнхий газрын ажлын хэсгийн төлөөлөл хамтран тусгай зөвшөөрлийн шилжилт хөдөлгөөн хийхдээ татвараа бүрэн төлсөн эсэх талаарх дүгнэлт гаргах, тусгай зөвшөөрөл эзэмшиж буй хуулийн этгээдээс олборлосон ашигт малтмалыг экспортолсон дүн мэдээг үндэслэн гааль, татвар, цагдаагийн байгууллагаас нэгдсэн байдлаар тулгаж, олборлосон, татвар төлсөн,хилээр гаргасан тоо баримт хоорондоо нийцэж байгаа эсэхээр дүгнэлт гаргах талаар чиглэл өглөө.
Түүнчлэн стратегийн ордод тусгай зөвшөөрөл эзэмшигч зарим хуулийн этгээдийн тусгай зөвшөөрлийн төлбөр төлөгдөөгүй, хугацаа хоцроосныг нарийвчлан шалгаж, дүгнэлт, саналын хамт дараагийн ажлын хэсгийн хурлаар танилцуулах үүрэг өглөө.
Хуралдаанд Авлигатай тэмцэх газар, Цагдаагийн ерөнхий газар, Тагнуулын ерөнхий газар, Гаалийн ерөнхий газар, Ашигт малтмал, газрын тосны газар, Татварын ерөнхий газар, Үндэсний геологийн албанаас мэдээлэл хийж, санал солилцлоо гэж тус яам мэдээлэв.