...Аяа анд минь чи хаалгыг минь тогшооч гэж дуулсаар тэд тайзнаа заларсан. Тэднийг үе үеийн фэнүүд нь үнэхээр санасан, хүлээсэн байсан. Энэ үдэш  хүлээлтээ тайллаа. Гурван цаг гаруй үргэлжилсэн “Чингис хаан” хамтлагийн “The Best of Chinggis Khaan” тоглолтын эхний өдөр амжилттай болж өндөрлөлөө. Өчигдөр “UB palace” –ийн тайзыг “Чингис хаан” хамтлаг амилуулав. Энэ өдрийн үзэгчдийн дийлэнх нь  улс төр, урлаг соёлынхон  байсан.  УИХ-ын гишүүн Б.Бат-Эрдэнэ аварга нутгийн анд гавьяат Б.Жаргалсайхандаа алд цэнхэр хадаг, мөнгөн аягатай сүү барин  хүндэтгэл үзүүлсэн. Энэ үдшийн олон  баяртай явдал болсны хамгийн  нь хамтлагийн гитарчин Саруулсайхан, даралтат хөгжимчин Байдраг нарт Монголын Улсын Соёлын тэргүүний ажилтны цолыг гардуулсан. Мөн соло гитарчин Шинэ-Од нь Жуух бичгээр шагнуулж, “Чингис хаан”-ынханд шагналын хур буув. Хит болсон  30 орчим дуу дуулагдаж “Нарлаг Монгол орон”-оор энэ үдшийн тоглолт өндөрлөлөө. Тэдний тоглолт дөрвөн өдөр үргэлжлэх бөгөөд үлдсэн гурван өдөр  хэрхэн ямар дуу дуулагдах дэс дараа, хөтөлбөр байхгүй. Зөвхөн үзэгчдээ “дагана” гэнэ.

Б.Солонго