#Paris2024 зуны олимпод Монголын шигшээ багийн тамирчид долоодугаар сарын 25-аас наймдугаар сарын 11-ийг дуустал өрсөлдлөө.

33 дахь удаагийн зуны олимпод Монголын шигшээ баг 32 тамирчны бүрэлдэхүүнтэй оролцсоноос 1 мөнгөн медальтай тэмцээнээ дуусгав.

2004 оны Афины олимпоос хойш Монголын шигшээ баг хамгийн цөөн медаль хүртсэн олимп болов. (Афин 2004 - 1, Бээжин 2008 - 4, Лондон 2012 - 5, Рио 2016 - 2, Токио 2020 - 4)

Монголын шигшээ багийн Парист тогтоосон онцлох амжилтууд:

1. Бавуудоржийн Баасанхүү Монголын шигшээ багийн зуны олимп дахь 31 дэх медаль, 12 дахь мөнгөн медалийг хүртэв.
2. Бат-Очирын Сэр-Од зургаа дахь олимпдоо оролцсоноор хамгийн олон олимпод оролцсон марафон гүйгч болж дэлхийн рекорд тогтоов.
3. Баярцогтын Мөнхзаяа гурван олимпод оролцсон монголын Монголын анхны эмэгтэй марафонч болов.
4. Энхтайваны Даваахүү эрэгтэй гар бууны шигшээ шатанд шалгарсан Монголын анхны бууч болов.
5. Оюунбатын Есүгэн урт бууны төрөлд шигшээ шатанд шалгарч, 7-р байр эзэлсэн Монголын анхны бууч болов.
6. Мөнгөнцэцэгийн Энхжаргал эмэгтэй боксоор шөвгийн наймд шалгарсан Монголын анхдагч болов.
7. Мөнхжанцангийн Анхцэцэг гурван олимпод оролцсон монголын Монголын анхны хүндийг өргөгч болов.
8. Батбаярын Энххүслэн усанд сэлэлтээр 18-р байрт орж, шигшээ шатны Reserve-т багтсан анхны Монголын анхны усанд сэлэгч болов.
9. Чөлөөт бөхийн төрөлд дөрвөн тамирчин хүрэл медалийн төлөөх барилдаанд ялагдаж 5-р байр эзлэв. Б.Хулан, П.Орхон, Д.Отгонжаргал, Т.Тулга
10. Жүдо бөхийн төрөлд гурван тамирчин 7-р байр эзлэв. Ё.Басхүү, Б.Эрдэнэбаяр, Л.Энхрийлэн

ТАМИРЧДЫН ҮР ДҮН: /ӨДРӨӨР/

Долоодугаар сарын 25.

• Байт харваа. Эрэгтэй ганцаарчилсан төрлийн чансаа тогтоох харваа. Баатархуягийн Отгонболд. Чансааны 54-т жагсав.

Долоодугаар сарын 27.

• Буудлага. Холимог багийн хийн урт бууны 10 метрийн урьдчилсан дасгал. Нянтайн Баяраа, Оюунбатын Есүгэн. 28 багаас 16-р байр эзлэв.
• Жүдо. Эрэгтэй -60 кг жин. Энхтайваны Ариунболд. Шигшээ 16 шатнаас тэмцээнээ дуусгав.
• Жүдо. Эмэгтэй -48 кг жин. Бавуудоржийн Баасанхүү. Мөнгөн медаль хүртэв.
• Буудлага. Эрэгтэй хийн гар бууны 10 метрийн урьдчилсан дасгал. Энхтайваны Даваахүү. 7-р байр эзэлж финалд шалгарав.
• Дугуй. Дугуйн замын эрэгтэй ганцаарчилсан Time Trial төрөл. 34 тамирчнаас 28-р байр эзлэв.

Долоодугаар сарын 28.

• Бокс. Эмэгтэй -54 кг жин. Шигшээ 32. Мөнгөнцэцэгийн Энхжаргал. Шигшээ 16-д шалгарав.
• Буудлага. Эмэгтэй хийн урт бууны 10 метрийн урьдчилсан дасгал. Оюунбатын Есүгэн. 43 тамирчнаас 18-р байр эзлэв.
• Буудлага. Эрэгтэй хийн гар бууны 10 метрийн шигшээ дасгал. Энхтайваны Даваахүү. 8-р байр эзэлсэн Монголын анхны бууч болов.
• Жүдо. Эрэгтэй -66 кг жин. Ёндонпэрэнлэйн Басхүү. 7-р байрт шалгарав.
• Жүдо. Эмэгтэй -52 кг жин. Лхагвасүрэнгийн Сосорбарам. Шигшээ 16 шатнаас тэмцээнээ дуусгав.
• Усанд сэлэлт. Эмэгтэй 200 метрийн чөлөөт сэлэлт. Батбаярын Энххүслэн. 18-р байрт жагсав.
• Буудлага. Эрэгтэй хийн урт бууны 10 метрийн урьдчилсан дасгал. Нянтайн Баяраа. 54 тамирчнаас 29-р байр эзлэв.
• Бокс. Эмэгтэй -50 кг жин. Шигшээ 32. Оюунцэцэгийн Есүгэн. Шигшээ 32 шатнаас тэмцээнээ дуусгав.

Долоодугаар сарын 29.

• Жүдо. Эрэгтэй -73 кг жин. Батзаяагийн Эрдэнэбаяр. 7-р байр эзлэв
• Жүдо. Эмэгтэй -57 кг жин. Лхагватогоогийн Энхрийлэн. 7-р байр эзлэв

Долоодугаар сарын 30.

• Усанд сэлэлт. Эрэгтэй 100 метрийн чөлөөт сэлэлт. Батбаярын Энхтамир. 50-р байрт жагсав
• Бокс. Эмэгтэй -54 кг жин. Шигшээ 16. Мөнгөнцэцэгийн Энхжаргал. Шөвгийн наймд шалгарлаа.

Долоодугаар сарын 31.

• Буудлага. Эрэгтэй гурван байрлалт 50 метрийн урт бууны урьдчилсан дасгал. Нянтайн Баяраа. 30-р байр эзлэв

Наймдугаар сарын 1.

• Байт харваа. Эрэгтэй ганцаарчилсан төрөл. Нэгдүгээр шат (1/64). Баатархуягийн Отгонболд. Эхний шатандаа ялагдав.
• Жүдо. Эрэгтэй -100 кг жин. Батхуягийн Гончигсүрэн. Эхний шатандаа ялагдав.
• Жүдо. Эмэгтэй -78 кг жин. Отгонбаярын Хүслэн. Шигшээ 16-д ялагдав.
• Буудлага. Эмэгтэй гурван байрлалт 50 метрийн урт бууны урьдчилсан дасгал. Оюунбатын Есүгэн. 4-р байр эзэлж финалд шалгарав.
• Бокс. Эмэгтэй -54 кг жин. Шөвгийн найм. Мөнгөнцэцэгийн Энхжаргал. Шөвгийн наймд ялагдаж тэмцээнээ дуусгав.

Наймдугаар сарын 2.

• Буудлага. Эмэгтэй гурван байрлалт 50 метрийн урт бууны финалын дасгал. Оюунбатын Есүгэн. 7-р байр эзлэв.
• Жүдо. Эрэгтэй +125 кг жин. Одхүүгийн Цэцэнцэнгэл. Эхний шатанд ялагдав.
• Жүдо. Эрэгтэй +78 кг жин. Амарсайханы Адъяасүрэн. Шигшээ 16-д ялагдав.

Наймдугаар сарын 3.

• Жүдо. Холимог багийн барилдаан. Израилын шигшээ багт ялагдав.
• Дугуй. Дугуйн замын уралдаан. Сайнбаярын Жамбалжамц. 57-р байр эзлэв.

Наймдугаар сарын 4.

• Буудлага. Эрэгтэй гар бууны 25 метрийн хурдан буудлагын урьдчилсан дасгал. Энхтайваны Даваахүү. 20-р байр эзлэв.

Наймдугаар сарын 5.

• Чөлөөт бөх. Эмэгтэй -68 кг жин. Шигшээ 16. Энхсайханы Дэлгэрмаа. Эхний шатанд ялагдав.

Наймдугаар сарын 6.

• Чөлөөт бөх. Эмэгтэй -68 кг жин. Дагах барилдаан. Энхсайханы Дэлгэрмаа. Дагах барилдаанд ялагдаж тэмцээнээ дуусгав.
• Чөлөөт бөх. Эмэгтэй -50 кг жин. Шигшээ 16. Долгоржавын Отгонжаргал. Хүрэл медалийн төлөө барилдахаар болов.

Наймдугаар сарын 7.

• Чөлөөт бөх. Эмэгтэй -53 кг жин. Шигшээ 16. Батхуягийн Хулан. Дагаж барилдахаар болов.

Наймдугаар сарын 8.

• Чөлөөт бөх. Эмэгтэй -50 кг жин. Хүрэл медалийн төлөө. Долгоржавын Отгонжаргал. 5-р байр эзлэв.
• Чөлөөт бөх. Эмэгтэй -53 кг жин. Дагах барилдаан. Батхуягийн Хулан. Хүрэл медалийн төлөө барилдахаар болов.
• Чөлөөт бөх. Эрэгтэй -86 кг жин. Шигшээ 16. Бямбасүрэнгийн Бат-Эрдэнэ. Эхний шатанд ялагдлаа.
• Чөлөөт бөх. Эмэгтэй -57 кг жин. Шигшээ 16. Болдсайханы Хонгорзул. Эхний шатанд ялагдлаа

Наймдугаар сарын 9.

• Чөлөөт бөх. Эмэгтэй -53 кг жин. Шигшээ. Батхуягийн Хулан. 5-р байр эзлэв.
• Чөлөөт бөх. Эрэгтэй +125 кг жин. Шигшээ 16. Мөнхтөрийн Лхагвагэрэл. Шөвгийн наймд ялагдлаа.
• Чөлөөт бөх. Эмэгтэй -62 кг жин. Шигшээ 16. Пүрэвдоржийн Орхон. Дагаж барилдахаар болов.

Наймдугаар сарын 10.

• Хөнгөн атлетик. Эрэгтэй марафон. Бат-Очирын Сэр-Од. 71-р байрт шалгарав.
• Чөлөөт бөх. Эмэгтэй -76 кг жин. Шигшээ 16. Энх-Амарын Даваанасан. Шөвгийн наймд ялагдав.
• Чөлөөт бөх. Эрэгтэй -65 кг жин. Шигшээ 16. Төмөр-Очирын Тулга. Хүрэл медалийн төлөө барилдахаар болов.
• Хүндийн өргөлт. Эмэгтэй -81 кг жин. Мөнхжанцангийн Анхцэцэг. 10-р байр эзлэв.

Наймдугаар сарын 11.

• Чөлөөт бөх. Эмэгтэй -62 кг жин. Шигшээ. Пүрэвдоржийн Орхон. 5-р байр эзэллээ.
• Хөнгөн атлетик. Эмэгтэй марафон. Баярцогтын Мөнхзаяа, Галбадрахын Хишигсайхан. 47, 48-р байр эзэллээ.
• Чөлөөт бөх. Эрэгтэй -65 кг жин. Дагах барилдаан. Төмөр-Очирын Тулга. 5-р байр эзэллээ