Израилын арми Ливан улсын нийслэл Бейрут хотод агаараас довтолж, Хезболла бүлэглэлийн дээд командлагчдын нэгийг устгаснаа зарлав.

Бямба гарагт Израилын хяналтад байдаг Голаны өндөрлөг дэх хөлбөмбөгийн талбай руу пуужин харваж, 12 хүн амиа алдсаны дийлэнх нь хүүхдүүд байсанд Хезболла бүлэглэлийг буруутай гэж Израилын эрх баригчид үзэж байна.

Энэ нь өнгөрсөн оны аравдугаар сард Израил, Хезболла бүлэглэлийн хооронд хурцадмал байдал үүссэнээс хойших Израил, Ливаны хил орчимд болсон хамгийн их хохиролтой дайралт болсон юм.

Үүний хариу болгон Бейрут руу агаараас довтолсон аж. Гэхдээ Хезболла бүлэглэлээс бямба гаргийн дайралтад холбоогүй гэдгээ мэдэгдсэн.

Дайралтаар Хезболла бүлэглэлийн командлагч Фуад Шукрыг онилсон ба дайралт байгаа оносон хэмээн Израилын тал мэдээлж байна.

Гэхдээ одоогоор түүнийг амиа алдсан эсэх талаар Хезболла бүлэглэлээс хариу өгөөгүй байгаа юм.

Эх сурвалж: ВВС