2025 оны тав дахь их дуулга тэмцээн Тажикистан улсын Душанбе хотод  болж байна. 

Тэмцээний хоёр дах өдөр эмэгтэйчүүдийн -63кг /жин/-д барилдсан, Ази тивийн аварга, Парисын их дуулгын хүрэл медальт, үндэсний шигшээ баг, алдар спорт хорооны тамирчин Б.Ганхайч франц улсын өрсөлдөгчөө цэвэр ялж алтан медаль хүртлээ.  

Тэрээр анх удаа их дуулга ангилалд алтан медаль хүртсэн ба энэ ангиллаас зургаа дахь медалиа хүртлээ.

Мөн тэмцээний хоёр дах өдөр эрэгтэйчүүдийн -73кг /жин/-д барилдсан Тбилисийн их дуулгын аварга, Улаанбаатар их дуулгын хүрэл медальт, үндэсний шигшээ баг, хилчин спорт хорооны тамирчин Б.Эрдэнэбаяр тав барилдсан.

Тэрээр дөрөв ялж,  алтан медалийн төлөө шалгарсан юм. Финал хүртлээ Тажикистан улсын хоёр тамирчныг ялж, аваргын төлөө мөн Тажикистан улсын тамирчинтай таарч, үндсэн цагт юүко үнэлгээ алдсанаар мөнгөн медаль зүүв. 

Ингэснээр Б.Эрдэнэбаяр их дуулга ангиллаас иж бүрдэл медальтай боллоо гэж Монголын жүдо бөхийн холбоо мэдээлэв.