Улсын Их Хурлын дарга Д.Амарбаясгаланд Аж үйлдвэр, эрдэс баялгийн сайд Ц.Туваан, Хууль зүй, дотоод хэргийн сайд О.Алтангэрэл нар Уул уурхайн бүтээгдэхүүний биржийн тухай хуульд нэмэлт, өөрчлөлт оруулах тухай хуулийн төслийг өнөөдөр (2025.03.28)  өргөн мэдүүллээ.

Нүүрс, төмрийн хүдрийг спот, форвард гэрээний дагуу биржээр дамжуулан арилжиж байна. Энэ сарын 14-нийг хүртэл 43 сая тонн уул уурхайн бүтээгдэхүүнийг нийт 17 их наяд төгрөгөөр арилжаалжээ.

Уул уурхайн бирж ард түмний захиалга байсан

Гэсэн ч эрх зүйн зохицуулалт хоорондын уялдаагүй байдлын улмаас уул уурхайн бүтээгдэхүүнийг биржээр дамжуулан арилжаалах нь зогсонги байдалд орсон. Биржийн арилжаанд оролцогч аж ахуйн нэгжүүдийн орлогыг хязгаарлах, Үндэсний баялгийн санг арвижуулахад бэрхшээл үүсэх зэрэг эрсдэлтэй байна.

Иймд уг хуульд нэмэлт, өөрчлөлт оруулах тухай хуулийн төслийг боловруулжээ.

Засгийн газрын 2024-2028 оны үйл ажиллагааны хөтөлбөрт тусгагдсан “Гашуунсухайт-Ганцмод, Ханги-Мандал, Шивээхүрэн-Сэхээ хилийн боомтуудын хил дамнасан холболтын төмөр зам, нүүрс-хими, кокс химийн цогцолбор, гангийн цогцолбор” зэрэг мега төслүүдийн бүтээн байгуулалтын ажлыг гүйцэтгэхэд Уул уурхайн бүтээгдэхүүний биржийн тухай хуульд нэмэлт, өөрчлөлт оруулж, эрдэс баялгийг олон улсын стандартын дагуу ашиглаж борлуулах, орлогыг үндэсний эдийн засгийн бие даасан байдлыг хангах зэрэг хүрээнд уг хуулийн төслийг боловсруулжээ хэмээн Улсын Их Хурлын Хэвлэл мэдээллийн газраас мэдээллээ.