ХХАХҮ-ийн сайд Ж.Энхбаяр Бүгд найрамдах Солонгос улсын хөдөө аж ахуйн инновацийн Солонгосын түншлэл Копиа-ийн Монголыг хариуцсан захирал У Мён Гюү-ийг хүлээн авч уулзжээ.

Копиа төв нь Хөдөө аж ахуйн шинжлэх ухаан технологийг судлах, хөгжүүлэх, нэвтрүүлэх, сургалт боловсрол олгох зэрэг олон улсын технологийн хамтын ажиллагааг дэмжин ажилладаг. Мөн хүнсний аюулгүй байдлыг хангах, газар тариалангийн бүтээгдэхүүний аж үйлдвэрийн өрсөлдөх чадварыг сайжруулах чиглэлд анхаарч, хамтран ажиллах сонирхлоо илэрхийлэв.

Мөн Копиа Монгол төвтэй хамтран тэжээллийн үр тариа тарьж, хөдөө аж ахуйн хөгжлийг бий болгох зорилгоор Дархан, Сэлэнгэ, Төв аймгийг загвар аймаг болгох төсөл хэрэгжүүлэхээр төлөвлөв.