2030 он гэхэд дэлхийн нийт ажлын байрны 40% нь хиймэл оюунаар солигдох боломжтой гэсэн судалгааг алдарт Mckinsey компани олон улсад танилцуулсан. Тэгвэл тус салбарын лидерүүд AI таны ажлыг булаахаас айх хэрэггүй, харин хиймэл оюуныг ашиглах чадвартай хүн таныг ажлыг булаах нь тодорхой гэдгийг сануулж байна.  

Өнөөдөр Монгол Улсад хүний нөөц болон бүтээмжийн асуудал тулгамдаж байна. Монгол Улс дэлхийн хөгжилтэй хөл нийлүүлж алхъя, монгол залуус дэлхийд гарч өрсөлдье гэвэл хамгийн чухал хүчин зүйл хиймэл оюуны боловсролыг эзэмших юм. БНХАУ 2026 оны 9-р сарын 1-ний өдрөөс ЕБС-ийн нэгдүгээр ангиас эхлээд хиймэл оюуны хичээлийг орохоор хуульчиллаа.

Тэгвэл бид хаана байна? Хиймэл оюуныг хүүхэд залууст сургая гээд ч өнөөдөр бидэнд бэлэн хүний нөөц, багш алга. Иймд энэхүү асуудлыг шийдэхээр AI Academy Asia-гаас санаачлан, Монгол дахь НҮБ-ын Хүүхдийн сан болон М банкны дэмжлэгтэй “Хиймэл оюуны үндэсний хөтөлбөр”-ийг хэрэгжүүлэхээр боллоо. Энэ хөтөлбөрийн гол онцлог нь дэлхийн шилдэг Кембрижийн их сургуулийн Хиймэл оюуны профессорууд хичээлийн хөтөлбөрийг боловсруулснаараа онцлог.

Уг хөтөлбөр нь хиймэл оюуны боловсролыг хүртээмжтэй болгож, дижитал ялгааг багасгах, олон нийтэд хиймэл оюуны үнэн зөв мэдлэг, ойлголт түгээх зорилготой бөгөөд ЕБС-ийн сурагчид, залуучууд болон орон нутгийн удирдлагуудад хиймэл оюуны талаарх мэдлэг, ур чадварыг олгох замаар дижитал шилжилтийн хүртээмжийг нэмэгдүүлэх, тэгш бус байдлыг бууруулахад чиглэх аж.  

Бид 2025 ондоо 450 хиймэл оюуны багшийг 6 сарын хугацаанд бэлтгэх юм. Тэдгээр багш нар сурсан мэдлэг өөрийн оршин суугаа хот, дүүрэг, аймаг, сумын иргэд сурагчдадаа заах юм.  

Тавигдах шаардлага : 

• Нийслэлийн 9 дүүрэг, 21 аймаг, 330 сумын ЕБС-н багш байх   
•  Мэдээлэл технологийн (IT) мэдлэг чадвартай байх. 
• Багаар ажиллах болон онлайн хичээлд идэвхтэй оролцох чадвартай байх .  
• Англи хэлний дундаас дээш түвшний  мэдлэгтэй байх . 
• 6 сарын хугацаанд тасралтгүй хөтөлбөрт идэвхтэй оролцох боломжтой байх. 
• Сурсан мэдлэг,  эрдмээ цаашид сурагчдадаа заах хүсэл эрмэлзэлтэй байх. 

Та тус хөтөлбөрт хамрагдсанаар  AI салбарт ажилладаг мэргэжлийн багш нараас суралцан ур чадвараа хөгжүүлж, өөрийн ажилладаг салбар болон байгууллагад  AI нэвтрүүлж, бусдад хиймэл оюун  заах чадвартай мэргэжилтэн болж бэлтгэгдэх юм. 

  Хөтөлбөрөөс хүлээх үр дүн: 

• Олон улсын хиймэл оюуны багш нараас хичээл авах   
• Хиймэл оюуны талаар ахисан түвшний цэгцтэй ойлголттой болох  
• Сурсан мэдсэн зүйлсээ бусдад заах сургалтын материал, гарын авлагатай болох  

Бүртгэл явагдах хугацаа: 2025.04.19-2025.05.05 

Хөтөлбөр явагдах хугацаа: 3 сар эрчимжүүлсэн сургалт, 3 сар бататгах сургалт нийт 6 сар  

Бүртгэлийн линк: https://forms.gle/S8M42iyLFGGFKiZh7

Дэлгэрэнгүй мэдээллийг https://www.ai-academy.asia/mn вебсайтаас авна уу.