Даваа гарагт эхэлсэн УИХ-ын Хянан шалгах түр хорооны хурал гурав дахь өдрөө үргэлжилж байна.

Нотлох баримтыг шинжлэн судлах сонсголын үеэр Эрдэнэс Оюу толгой ХХК-ийн гүйцэтгэх захирал асан Д.Ганболд "Даваа гарагаас эхэлсэн Хянан шалгах түр хорооны хурлын үеэр нэг хэсэг нь Монгол Улсын төлөө санаа зовдог, нөгөө хэсэг нь гадаадын байгууллагын тагнуул, төлөөлөгч болчихсон юм шиг ярьдагаа больмоор байна. Тийм юм ерөөсөө байхгүй. Ер нь амьдрал баян байдаг учраас, өчигдөр, уржигдар хангалттай ярилаа. Гэрээг нэг хэсэг нь новшийн муухай гэрээ гэж байна, нөгөө хэсэг нь тодорхой нэг зөрчилтэй засаж залруулж болно гэж байна. Аль аль нь мэдэхгүй байсан, алдсан оносон юм байна.

Дубайн гэрээнд заасан болгон нь Монголд дайсагнасан зүйл байгаагүй. АМНАТ-ыг өөр аргаар бичнэ гэсэн саналыг нийт суурьнаас авдаг болсон. Бүх гадагш гарч буй баяжмалын лабораторийн анализийг гаднын компаниар хийлгэдэг байсныг Геологийн төв лабораториор хийлгэдэг болсон. Менежементийг 6 хувь байсныг 3 хувь болгосон. Татварын албаныхан сайн муу ажилласан гэвэл бас өөр асуудал.

Манай монголд 2013 онд хэн ч зээл өгдөггүй байсан үе. Гэрээ байгуулснаас хойш улсын төсөв амилсан. Цагийн юм цагтаа гэж бий. Бадар бариад төсвийн байгууллага цалин тавьж чадах үгүйтэй болсон үед гишүүд асуудлыг ойлгож байсан болохоор зөвшөөрөл өгсөн

Өмнөговийн нутагт өөрийн хөрөнгөөр цахилгаан станц баръя гэхэд нь манайхан өөрсдөө барина гээд болиулсан шүү дээ. Тэр үед барьсан бол гурван цахилгаан станц барих мөнгийг БНХАУ-аас эрчим хүч авахад төлсөн шүү дээ. 10 жилийн өмнө цоо шинэ цахилгаан станцаа барьсан бол энэ хэтрэлт байхгүй байсан. Хоёр талд алдаа оноо байгаа учраас дундын хувилбарыг гаргая гээд Дубайн гэрээг байгуулсан. УИХ-ын тогтоолууд гарсан. Үүний дараа 5 миллиард ам.доллар Монголд орж ирсэн.

Гавьяа гэж хэлнэ үү юу гэж хэлнэ түүх харуулна. Олон улсад зээлжих зэрэглэлээр манай монголд 2013 онд хэн ч зээл өгдөггүй байсан үе. Гэрээ байгуулснаас хойш улсын төсөв амилсан. Цагийн юм цагтаа гэж бий. Бадар бариад төсвийн байгууллага цалин тавьж чадах үгүйтэй болсон үед гишүүд асуудлыг ойлгож байсан болохоор зөвшөөрөл өгсөн. Мэдээж 10 хуруу тэгш гэрээ байгаагүй. Гэрээ гэж яриад байгаа юм төлөвлөгөө байсан. Анхны хөрөнгө оруулалтын хүрээнд Дубайн гэрээг ойлгоно гээд заачихсан байгаа. Санаа бодлыг өөрчилсөн зүйл байхгүй. Олон жил өнгөрөөд төсөв санхүү сайжирсныг дараа хүчингүй болгож, үйлчлэлийг нь зогсоож болж байна" гэлээ. 

Үүний дараа ХШТХ-ны дарга, УИХ-ын гишүүн О.Батнайрамдал "Д.Ганболд та Эрдэнэс Оюу толгойн захирал байсан. Засгийн газрын гишүүн байсан юм шиг л яриад байх юм. УИХ гишүүд тэгдэг байсан, манай улс тэгж байсан гээд яриад байх юм. Тэр боломжийг олгосон шүү дээ.

Бид хэлсэн Дубайн гэрээг Ч.Сайханбилэг засна, ирээд ард түмнийхээ өмнө хариулчих гэсэн. Бүр зардал мөнгө хэцүү байвал Хянан шалгах түр хорооны гишүүд тал талаасаа цуглуулъя гэсэн. Ирээгүй.

Тэр Ч.Сайханбилэг Ерөнхий сайд хаана байна. Тэр хүн ирээд ярих ёстой. Тэр хүн үг дайгаад байгаа юм уу. Та зүгээр л нэг компанийнх нь захирал байсан шүү дээ. Надад хариулт хэрэггүй. Хариулах хүн нь ирээгүй байна. Бид хэлсэн Дубайн гэрээг Ч.Сайханбилэг засна, ирээд ард түмнийхээ өмнө хариулчих гэсэн. Бүр зардал мөнгө хэцүү байвал Хянан шалгах түр хорооны гишүүд тал талаасаа цуглуулъя гэсэн. Ирээгүй. Чимэдийн Сайханбилэг Ерөнхий сайдаас бусад нь бүгд ирлээ. Хүнээр үг дайлгалгүй өөрөө ард түмний өмнө асуултад хариулчих ёстой. Гурван өдрийн хянан шалгах түр хорооны дундаж ирц 70 хувьтай гарсан. Түүхэндээ хянан шалгах хорооны хамгийн өндөр ирц" гэсэн юм.