• Нийслэлийн урсгал зардлыг 1,517.3 тэрбум төгрөгөөр,
• Хөрөнгө оруулалтын төсөл арга хэмжээг 2,007.4 тэрбум төгрөгөөр,
• Дүүрэгт олгох санхүүгийн дэмжлэгийг 13.8 тэрбум төгрөгөөр баталжээ.  

Нийслэлийн 2026 оны төсвийн хөрөнгө оруулалтаар 265 төсөл, арга хэмжээг хэрэгжүүлэхээр баталсан.

• 52.7 хувь нь авто замын салбарт,
• 32.3 хувь нь хот байгуулалт, инженерийн дэд бүтцийн салбарт,
• 8.2 хувь нь нийгмийн салбарт, 6.8 хувийг бусад салбарт зарцуулна.

Тухайлбал, 12 байршилд 50.4 км авто зам, замын байгууламж шинээр барьж, 33.8 км авто замыг шинэчилнэ. Хоёр байршилд явган хүний гүүрэн гарц, 31 км замын гэрэлтүүлэг хийнэ. 

Улаанбаатарын дэд бүтэц, инженерийн барилга байгууламж, шугам сүлжээг нэмэхээр 2026 онд 477 гаруй тэрбум төгрөгийн санхүүжилт бүхий 29 төсөл, арга хэмжээ хэрэгжүүлнэ. 2026 онд 12 байршилд 15.1 км урт зам талбайн борооны ус зайлуулах шугам угсрахад 12.6 тэрбум төгрөг, Сэлбэ, Дамбадаржаа орчимд шинээр барих дэд станцын ажилд 2.4 тэрбум төгрөгийг тус тус санхүүжүүлнэ.

Түүнчлэн Орон нутгийн хөгжлийн санд 42.6 тэрбум төгрөг тусгасан. Гудамж талбайн камержуулалтыг нэмэгдүүлэх, ногоон байгууламж, цэцэрлэгжүүлэлтийг нэмэгдүүлэх, үерийн хамгаалалтын суваг шуудуу хийх зэрэг төсөл хөтөлбөрт зарцуулах юм.

НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС