Өнгөрсөн 24 цагт ажиглагдсан цаг агаарын аюултай үзэгдлийн тоймыг хүргэж байна. 

Хүчтэй салхи: 20-ны өдөр Баян-Өлгий, Увс, Ховд, Өвөрхангай, Сэлэнгэ, Төв , Дундговь аймгийн нутгаар салхины дундаж хурд секундэд 14-22 метр, зарим үед секундэд 23-27 метр, Говь-Алтай, Баянхонгор, Өмнөговь аймгийн нутгаар салхины дундаж хурд секундэд 17-24 метр, зарим үед секундэд 25-29 метр хүрч ширүүсэж, цаг агаарын аюултай үзэгдлийн хэмжээнд хүрсэн байна.

20-21-нд шилжих шөнө Баян-Өлгий, Увс, Ховд, Говь-Алтай, Хэнтий, Төв, Говь-Сүмбэр, Өвөрхангай, Дундговь, Сүхбаатар аймгийн нутгаар салхины дундаж хурд секундэд 14-22 метр, зарим үед секундэд 23-27 метр Баянхонгор, Өмнөговь, Дорноговь аймгийн нутгаар салхины дундаж хурд секундэд 17-24 метр, зарим үед секундэд 27-31 метр хүрч ширүүсэж, цаг агаарын аюултай үзэгдлийн хэмжээнд хүрчээ. 

Цасан шуурга: 20-21нд шилжих шөнө Ховдын Зэрэг, Манханд цасаар шуурч цаг агаарын аюултай үзэгдлийн хэмжээнд хүрсэн байна.