УИХ-ын чуулганы хуралдаан эхэллээ.

Өнөөдөр Хууль зүйн болон Эдийн засгийн байнгын хороод хуралдсан. Хууль зүйн байнгын хороогоор Шүүхийн ерөнхий зөвлөлийн шүүгч бус хоёр гишүүнийг томилох, эсэхийг хэлэлцсэн. Дөрвөн хүн нэр дэвшиж, хоёр нэр дэвшигчийг томилохыг Хууль зүйн байнгын хорооны гишүүд дэмжсэн юм. Энэ асуудлыг одоо чуулганы нэгдсэн хуралдаанаар үргэлжлүүлэн хэлэлцэж байна.     

Чуулганы  хуралдаанд 81 гишүүн оролцож байна. 

УИХ-ын гишүүн Л.Мөнхбаясгалан, А.Ганбаатар, Ж.Золжаргал, Х.Тэмүүжин, А.Ариунзаяа, Х.Баасанжаргал, Б.Жаргалан, УИХ-ын дарга Н.Учрал нар Үндсэн хуулийн цэцийн 10-р шийдвэрийг хүлээн авах нь зөв гэв. Ингээд санал хураалт явууллаа. Хууль зүйн байнгын хорооны дэмжээгүй саналыг дэмжье гэсэн томьёоллоор санал хураав. Чуулганы хуралдаанд оролцсон гишүүдийн олонх нь Үндсэн хуулийн цэцийн 10-р дүгнэлтийг хүлээн зөвшөөрөх нь зөв гэж үзлээ. Ингэснээр Эрүүгийн хуулийн 13.14 дэх заалтыг өөрчлөн найруулах ажлын хэсэг байгуулан, хуульд нэмэлт өөрчлөлт оруулна.     

Харин УИХ-ын гишүүн Ж.Энхбаяр, Б.Энхбаяр, Н.Алтанхуяг нарын 10-аад гишүүн цэцийн шийдвэрийг хүлээн авахгүй буюу 1314 дэх заалт өмнөх шигээ хүчин төгөлдөр байх ёстой гэсэн байр суурьтай байна.        

УИХ-ын чуулганы хуралдаан өндөрлөв. Маргааш 10.00 цагт хуралдаан эхэлнэ.