МАН-ын бүлгийн хуралдаанаас гарсан шийдвэрийг танилцуулж байна.

УИХ-ын гишүүн Ж.Батжаргал:

МАН-ын бүлэг өнөөдөр ээлжит бусаар хуралдаж хоёр асуудал хэлэлцлээ. Намын бүлгийн даргаар 35 гишүүний саналаар намайг сонголоо.  Хоёрдугаарт, намын бүлэг дээр ажлын хэсэг байгуулахаар боллоо. Учир нь ЗГ-аас УИХ-д ирэх оны нэгдсэн төсөв, дагалдах хуулиудыг 9 дүгээр сарын 1-нд өргөн барьсан.

Өнөөдөр 10 дугаар сарын 15-ны өдөр, хуулиараа 11 дүгээр сарын 15-нд төсвөө батлах ёстой. Хууль тогтоомжууд болон 2026 оны хөгжлийн төлөвлөгөөнд нийцсэн эсэхэд санал авах ёстой. Тиймээс УИХ-ын хэлэлцүүлэгт бэлтгэх бэлтгэх ажлын хэсгийг байгуулах шаардлагатай гэж үзлээ. Төрийн ажил хэвийн үргэлжлэх учиртай. Ард иргэд, багш, эмч нар, ахмад настнуудаас тавьж буй саналыг үндэслэн удирдлагуудтай уулзаж, төсөвт бодлогын зохицуулалт хийх шаардлага байгааг тодорхойлсон.