Нийслэлийн Засаг дарга бөгөөд Улаанбаатар хотын Захирагч Х.Нямбаатар үйлдвэрийн хаягдал усыг урьдчилан цэвэрлэх байгууламжгүй томоохон эмнэлэг болон бусад 70 аж ахуйн нэгжийн төлөөлөлтэй уулзаж байна.

Уулзалтад Монголын Мянганы сорилтын сангийн гүйцэтгэх захирал н.Энхгэрэл оролцож байна.

Улаанбаатарын ус хангамжийн баруун эх үүсвэрийг шинээр байгуулах төслийн гүйцэтгэл 93 хувьд хүрчээ. Төслийн гол бүтээн байгуулалтууд:

•  Биокомбинат, Шувуун фабрик орчимд 30 гүний худаг
•  55 км ус дамжуулах шугам хоолой
•  Ус гүн цэвэршүүлэх үйлдвэр

Баруун шинэ эх үүсвэр,Ус гүн цэвэршүүлэх үйлдвэр ашиглалтад орсноор нийслэлийн ус хангамжийн системд жилдээ 50 сая м3 хүртэлх хэмжээний ус нийлүүлж, цаашид нийслэл хот баруун тийш өргөжин тэлэх, эдийн засаг өсөх таатай боломжийг бүрдүүлнэ.

Нийт хөтөлбөрийн хэрэгжилт энэ сарын байдлаар 87 хувьд хүрсэн. Эдгээр төсөл, үйл ажиллагаа амжилттай хэрэгжсэнээр Улаанбаатар тэлэх суурийг тавих юм.