Эх нялхсын автобусны буудлын хажууд, дулааны шугам сүлжээний хажууд, далан дээр буюу нийтийн эзэмшлийн талбайд дөрвөн давхар үйлчилгээний барилга барилга барих гэж байна. Үүнд иргэд их бухимдалтай байгаа бөгөөд энэ асуудалд асуудлаар Хот байгуулалт, хотын стандартын газрын хот байгуулалтын хяналтын хэлтсийн хот байгуулалт хариуцсан ажилтан н.Анхтөр мэдээлэл өглөө.

Баянгол дүүргийн 11-р хороо, Билэг их дэлгүүрийн зүүн талд, "Юнимед" эмнэлгийн баруун талд төв зам дагуу байршилд барилга барих зөвшөөрөл "Сансаратрэйд" ХХК-д олгогдсон байна. Энэ компани зөвшөөрлүүдээ дараах байдлаар авсан байна.

• 2014 онд Нийслэлийн засаг даргын захирамжаар газар олгосон байдаг. /Нийслэлийн Засаг даргын 2014 оны 10 дугаар сарын 28-ны өдрийн А/916 тоот захирамж/
• Мөн 2018 онд сунгаж олгосон байна. /Нийслэлийн Засаг даргын 2018 оны 02 дугаар сарын 27-ны өдрийн А/162 тоот захирамж/
• Хот байгуулалт, хотын стандартын газраас 2017 онд архитектур төлөвлөлтийн даалгавар олгосон. /2017 оны 09 дүгээр сарын 11-ний өдөр/
• 2018 онд загвар зургийг баталж өгсөн
• 2025 оны 5 сарын 2-ны өдөр барилгын ажлын зөвшөөрлийн гэрчилгээг олгосон.

Улаанбаатар дулаан, ус сувгийн удирдах газар, цахилгаан түгээх гэх хангагч дөрвөн байгууллага техникийн нөхцөлөө олгосон. 2019 онд магадлалын ерөнхий дүгнэлт гарсан. Энэ дүгнэлт нь мэргэжлийн хяналтын байгууллага болон онцгой байдлын ерөнхий газартай зөвшилцөөд тус хоёр байгууллагаас дүгнэлт гарсны үндсэн дээр барилга барьж болно гэсэн дүгнэлт гардаг.

Барилгын тухай хуульд баримт бичгийн бүрдлийг хангуулан барилгын ажлын зөвшөөрлийн гэрчилгээ олгоно гэж заасан байдаг. Баримт бичгийн бүрдэл хангагдсан учраас манай байгууллагаас барилгын ажлын зөвшөөрлийн гэрчилгээ олгосон. Барилгын зөвшөөрлөө авсан тохиолдолд барилгын ажлаа эхлүүлж болно. Бүх бичиг баримт нь энэ байгууллагад бүрдсэн гэсэн үг.

"Юнимед" эмнэлгээс ирүүлсэн бичиг баримтуудын дагуу бид судалж байгаа. Эрх бүхий албан тушаалтны зай хэмжээний норм дүрэм, инженерийн шугам сүлжээний стандарт зөрчсөн гэх мэт дүгнэлт манай байгууллагад ирвэл архитехтур төлөвлөлтийн даалгавар, загвар зургийг цуцлах боломжтой.