"Ковид-19" халдвараас урьдчилан сэргийлэх вакцины гурав дахь тунгийн асуудлаар Эрүүл мэндийн яамнаас мэдээлэл хийж байна. 

УОК-ын дэргэдэх Эрдэмтдийн зөвлөлийн гишүүн О.Батбаяр:
-Өнгөрсөн хугацаанд 10 хувийг эзэлж байсан бол сүүлийн үед илэрч байгаа эерэг тохиолдолд дельта хувилбар 30 хувийг эзэлж байна. Тэр дундаа Баян-Өлгий аймагт 80 хувь, Ховд аймагт 55 хувь гэх мэтээр шинэ хувилбарын тархалт эрчимжиж байна. Мөн вакцины үр дүнгийн үзүүлэлт дэлхий дахинд буурч байна.

Хоёр тунгийн вакцин хийлгэсэн ч дельта вирусын халдвар авахад биеийн байдал хүндрэх магадлалтай байгааг дэлхийн мэргэжилтнүүд анхааруулж байгаа аж.

"ХОЁР ТУНГАА ХИЙЛГЭСЭН Ч ХАЛДВАР АВСАН БОЛ ГУРАВ ДАХЬ ТУНГ ХИЙЛГЭХ ШААРДЛАГАГҮЙ"

Альфа, бета, дельта хувилбар гээд вирусын төрлийн аль алин дээр нь гурав дахь тунгийн саармагжуулалт өндөр байгааг дэлхийн судлаачид тогтоосон. Тиймээс энэхүү олон улсын судалгааг үндэслэл болгож Монгол Улс гурав дахь тунгийн судалгааг ХӨСҮТ-д эхлүүлж бүүстер тун буюу нэмэлт тунгийн судлах үүрэг авсны дагуу ажиллаж, эмнэлзүйн туршилт хийж байна. Харин цар тахлын хариу арга хэмжээнд ажиллаж байгаа хүмүүст гурав дахь тунг тэдний сайн дурын үндсэн дээр хийх тушаал гарсны дагуу хэрэгжүүлж байна.

Дельта хувилбарын дараагийн давлагаа эхэлж байгаа гэж үзсэн учир вакцины гурав дахь тунг хийхээр болж байна.

Энэхүү судалгаа нь олон улсад болон Монгол Улсад тодорхой үр дүн хараахан өгөөгүй байгаа учир шууд хийх үндэслэлгүй. Вакцинжуулалт хийснээс хойш тухайн хүний цусанд үүсэж байгаа тархац, тогтоц хэр удаан үргэлжилж байгаа талаарх судалгааг Монголд төдийгүй олон улсад гараагүй байна.

Төрийн албан хаагчдад гурав дахь тунг хүчээр хийж байгаа талаарх мэдээлэл гарсан байсан. Тийм зүйл байхгүй. Тэд сайн дурын үндсэн дээр хийлгэж байгаа. АстраЗенека вакцины нөөц тодорхой хэмжээнд байгаа ч өмнө нь хийлгэсэн бүх хүнд гурав дахь тунг хийх боломж байхгүй. Тиймээс бид энэхүү асуудлыг бид хэлэлцэж байгаа.

Хоёр дахь тун төдийгүй гурав дахь тунг хийлгэсэн ч халдвар авах магадлалтай. Тухайн хүний дархлааны түвшингээс шалтгаална. Гурав дахь тунг хийх зорилго нь халдвараас хамгаалах дархлааны түвшинг нь өсгөж байна гэсэн үг. Ялангуяа эмч, эмнэлгийн байгууллагын ажилтнуудыг нэн түрүүнд хамруулснаар хариу арга хэмжээндээ дэмжлэг үзүүлж байгаа юм.

Вакцин хийлгэснээс хойш зургаан сарын дараа вакцины хамгаалах түвшин буурч байгаа гэсэн олон улсын судалгаа байна. Тиймээс хамгаалах чадвар алсдаа буурах нь тодорхой. Зургаан сар өнгөрсний дараах вакцины сорьцыг одоо цуглуулж байгаа ба хариу нь гарах хараахан болоогүй байна. Хоёр тунгаа хийлгэсэн ч халдвар авсан бол гурав дахь тунг хийлгэх шаардлагагүй.

Дельта хувилбарын дараагийн давлагаа эхэлж байгаа гэж үзсэн учир вакцины гурав дахь тунг хийхээр болж байна.