• Aфрик тивийн аварга шалгаруулах тэмцээний шигшээ 16 шатны тоглолтууд үргэлжилж байна
• Сенегал 1-1 (4-5) Кот д'Ивуар: Үзэх
• Кабо Верде 1-0 Мавритани: Үзэх

Африкийн хөл бөмбөгийн холбооноос зохиодог тивийн аварга шалгаруулах тэмцээн "Africa Cup of Nations" буюу "AFCON 2023"-ын шигшээ 16 шатны тоглолтууд үргэлжилж байна.

Өнгөрсөн шөнө Садио Мане тэргүүтэй хүчирхэг Сенегалын шигшээ баг талбайн эзэн Кот д'Ивуарын шигшээ багтай тоглов. Африк тивд хамгийн өндөр амжилтыг үзүүлдэг хоёр багийн тулаан энэ тэмцээний онцлох тоглолтуудын нэг гарцаагүй мөн юм.

Тоглолтын эхний гоолыг ердөө 4 дэх минутад Сенегалын Хабиб Диалло оруулсан. Улмаар 82 минутын турш тэргүүлж байсан Сенегалчууд 86 дахь минутад торгуулийн цохилт алдаж тооны харьцаа тэнцсэн байна. Гоолыг Кот д'Ивуарын "гялалзах од" Фрэнк Кэссиэ оруулсан юм.

• Мохамед Салахгүй Египетийн шигшээ баг Конгод хожигдсоноор Африкийн цомоос хасагдлаа
• AFCON: Супер бүргэдүүд Камеруныг хожиж шөвгийн наймд шалгарлаа
• AFCON: Тунис тэмцээнээс хасагдаж Намиби цааш шалгарав

Ийнхүү үндсэн цаг 1-1, нэмэлт цаг ч мөн адил тэнцсэнээр торгуулийн цохилт цохисон бөгөөд 4-5 харьцаагаар "Заанууд" хочит талбайн эзэд хожиж шөвгийн наймд шалгарав. Харин энэ тэмцээнд түрүүлэх хамгийн өндөр магадлалтай байсан 2021 оны тивийн аварга, цомыг хамгаалагч Сенегалчууд нутаг буцлаа.

Өчигдөр хоёр тоглолт болсны нөгөө нь "В" хэсгийн тэргүүн баг Кабо Верде Мавританийн шигшээ багийг 1-0 харьцаагаар хожсон. Хэсэгтээ нэг ч хожигдолгүй Египет, Гана улсын багуудын дээр бичигдсэн тэд энэ жил цахиур хагалсаар байна.

Кабо Верде улсын шигшээ баг дараагийн шатанд Марокко, Өмнөд Африкийн хожсонтой тоглох бол Кот д'Ивуар Мали болон Буркина Фасо улсын хожсоныг хүлээнэ.

Одоогоор Экваторын Гвиней улсын шигшээ багийн довтлогч Эмилио Нсүэ 5 гоолтой мэргэн буучдын жагсаалтыг тэргүүлж байгаа бол Анголын шигшээ багийн довтлогч Желсон Дала, Египетийн Мостафа Мохамед нар 4 гоолтой, Алжирын Багдад Бунеджа, Анголын Мабулулу нар 3 гоолтой удаалж байна.