Улаанбаатар метро төслийн хүрээнд хэрэгжих боловсон хүчний бэлтгэлийн хүрээнд Шинжлэх ухаан, технологийн их сургууль, БНСУ-ын Халла их сургуультай хамтран 2+2 хөтөлбөрийг нээжээ.

Хөтөлбөрөөр оюутнууд эхний хоёр жилээ ШУТИС-д, дараагийн хоёр жилээ БНСУ-д тодорхой хэмжээний тэтгэлэгтэйгээр суралцаж, хос дипломтой төгсөх аж.

Метро, трам, орчин үеийн төмөр замын дөрвөн чиглэлээр анги нээж, төгсөгчид Улаанбаатар метро, трам, төмөр замын бусад салбаруудад ажиллана.

Элсэлтийн бүртгэл наймдугаар сарын 27 хүртэл үргэлжлэх бөгөөд энэ жил нийт 200 оюутан элсүүлэхээр төлөвлөжээ.