Төрийн өмчит компаниудын захирлуудын цалин, хангамж хэт өндөр байгаа нь шударга хуваарилалтын зарчмыг зөрчиж байна гэх асуудал хөндөгддөг. Тиймээс Ерөнхий сайд захирлуудын цалин, хангамжийг компанийн ашиг, орлогод нийцүүлэн тогтоох ёстой гэсэн чиглэлийг Төрийн өмчийн бодлого зохицуулалтын газрын даргад өгсөн юм. Энэ чиглэлийн дагуу тус байгууллага судалгаа хийж байна.

Төрийн өмчийн бодлого зохицуулалтын газрын дарга Б.Цэнгэл, Төрийн өмчит байгууллагуудын цалингийн судалгааг хийгээд дуусаж байна. Үндсэн цалин нь өндөр биш, жилийн эцэст ажлын үр дүн үндэслэн урамшуулал олгодог болох хувилбарыг Засгийн газрын хуралдаанд оруулж танилцуулсан. Засгийн газрын 8-р сарын 20-ны хуралдаанаар энэ асуудлыг дахин оруулж шийдүүлээд, тухайн компаниудын ТУЗ болон хувьцаа эзэмшигчийн эрхийг хэрэгжүүлэгчээр нь дамжуулан шийдвэрлэх боломжтой.

• Эрдэнэс Монгол ХХК
• Эрдэнэс Тавантолгой ХК
• Хөдөө аж ахуйн бирж
• Нью Улаанбаатар интернэшнл эйрпорт
• МИАТ компанийн цалингийн дундаж төрийн өмчит компаниуд болон салбарын дунджаас хамгийн өндөр байна. Үүнийг тодорхой түвшинд нь хүргэх чиглэлээр ажиллана гэв.

Төрийн өмчит компанийн захирлуудын хамгийн өндөр цалин 20-30 сая төгрөг бөгөөд "Эрдэнэс Монгол" ХХК-ийн захирал С.Наранцогт, уулын баяжуулах "Эрдэнэт" үйлдвэрийн захирал Г.Ёндон нар хамгийн өндөр буюу сард 30 сая төгрөгийн цалин авч байна.