НЗД-ын орлогч А.Амартүвшин хичээлийн шинэ жилийн бэлтгэл ажил, шинээр ашиглалтад орох сургууль, цэцэрлэгийн барилгын ажлын явцын талаар мэдээлэл өгч байна.

"Нийслэлд 139 сургууль цэцэрлэгийн барилга баригдаж байна. Энэ хичээлийн жил эхлэхэд 15 сургууль цэцэрлэг ашиглалтад оруулна. Энэ ондоо багтаагаад 20 барилга ашиглалтад оруулахаар бэлтгэл ажлаа хангаж байна. 

Ингэснээр энэ есдүгээр сарын нэгэн гэхэд сургуулийн багтаамжийг 14 мянга гаруй хүүхдээр нэмэгдүүлж цэцэрлэгт 7500 гаруй орыг нэмэгдүүллээ.

Ирэх жил 30 сургууль шинээр барих ба газар чөлөөлөлтийн ажлыг эхлүүлсэн. Ингэснээр ирэх жил 139 сургууль дээр нэмээд 30 сургууль барина. Нийслэл хотын сургууль цэцэрлэгийн хүртээмжийг бүрэн хангахын тулд дахин 62 сургуулийг ашиглалтад оруулна.

2028 он гэхэд сургууль цэцэрлэгийн багтаамж, анги дүүргэлт хэтэрсэн асуудал байхгүй болно.

СУРГУУЛЬ ЦЭЦЭРЛЭГИЙН ӨВӨЛЖИЛТИЙН БЭЛТГЭЛ, АНГИ ЗАСВАРЫН АЖИЛ 82 ХУВЬТАЙ БАЙНА

Сургууль цэцэрлэгийн өвөлжилтийн бэлтгэл, анги засварын ажил 82 хувьтай байна. Харин шугам сүлжээний ажил 56 хувьтай явж байна. 

Өмнөх жилүүд дээр сургууль цэцэрлэг эмнэлгүүдийн их засварын ажлууд дээр 5 тэрбум хүрэхгүй төгрөгийн төсөв байдаг байсан бол энэ жил нийслэлийн хэмжээнд 60 тэрбум төгрөгийг төсөвт тавьж өгсөн. Тиймээс эрүүл мэндийн салбарт 30 тэрбум төгрөг зарцуулагдах бол сургууль цэцэрлэгийн 40 хувьд нь их засварын ажил хийгдэнэ.