УИХ-ын чуулганы нэгдсэн хуралдаанаар төсвийн тодотголыг хэлэлцэж байна.

УИХ-ын гишүүн Л.Мөнхбаясгалан Ерөнхийлөгчид хандан, хориг тавихыг хүслээ. Учир нь Улсын Их Хурлын чуулганы өчигдрийн нэгдсэн хуралдаанаар “Алт-3 аяныг хэрэгжүүлэх зарим арга хэмжээний тухай” Улсын Их Хурлын тогтоолын төслийг хэлэлцсэн. 

Улсын Их Хурлын гишүүн Х.Ганхуяг "Үндсэн хуулийн Зургадугаар зүйлийн 6.2-т заасан стратегийн ач холбогдол бүхий ашигт малтмалын ордыг ашиглахдаа байгалийн баялаг ард түмний мэдэлд байх суурь зарчимтай энэ тогтоол нийцэхгүй байна. 

Ашигт малтмалын тухай хуулийн  47 дугаар зүйлд заасан ашигт малтмалын нөөц ашигласны төлбөрийн 30 хувийг тухайн орд байрлаж буй аймаг, нийслэл, сум,  дүүргийн төсөвт хуваарилахаар, Төсвийн тухай хуульд заасан тухайн орон нутагт олборлож борлуулсан ашигт малтмалын нөөц ашигласны төлбөрийн 30 хүртэл хувийг орон нутгийн төсөвт хуваарилахаар заасныг дурдаад тогтоолын төсөлд туссан  дэд заалтыг хуульд нийцүүлэх үүднээс зарчмын зөрүүтэй санал гаргаж, шийдвэрлэх нь зүйтэй гэлээ.      

УИХ-ын гишүүн Л.Мөнхбаясгалан "УИХ-ын гишүүдийн мэдээлэл дутмагийг алтны компаниуд ашиглаж байна. "Алт-3" хөтөлбөрийг хэрэгжүүлэх гэж зарим хүн сайд болсон. Энэ тогтоолыг би  эсэргүүцнэ. Учир нь энэ тогтоолыг баталчихвал Ноён уулан дахь алтыг ухах боломж бүрдэх юм. Энэ уулыг төрийн хамгаалалтад, орон нутгийн тусгай хамгаалалтад авсан. Гэтэл одоо хамгаалалтын бүсийн хилийг өөрчилж, алт олборлох нь. Ноён уултай холбоотойгоор 60 удаа шүүх хурал болж байсан юм шүү" гэв.