Монгол Улсын их хурлын тухай хуульд нэмэлт өөрчлөлт оруулах тухай хуулийн төслийн талаарх мэдээлэл сонслоо. 
 
УИХ дахь Ардчилсан намын бүлэг ээлжит /2025.11.17/ хурлаараа гурван асуудлыг хэлэлцжээ. 

1. Хуулийн төслүүдийн танилцуулга 
- Монгол Улсын Их Хурлын тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлэх хуулийн төслийн танилцуулга, 
- Эрүүгийн хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүд /УИХ-ын гишүүн Х.Тэмүүжин нарын 20 гишүүн 2025.05.30-ны өдөр өргөн мэдүүлсэн, хэлэлцэх эсэх/; 
Танилцуулга мэдээллийг УИХ-ын гишүүн, УИХ дахь АН-ын бүлгийн дэд дарга Х.Тэмүүжин 

2. “Нээлттэй, цэгцтэй” Ардчилсан нам хөтөлбөрийн хүрээнд хийгдэж байгаа Ардчилсан намын үндсэн дүрэм, журмын шинэчлэл болон цаг үеийн асуудлаар
мэдээлэл сонсох;
Танилцуулга мэдээллийг Ардчилсан намын дарга О.Цогтгэрэл, Ардчилсан намын Ерөнхий нарийн бичгийн дарга Н.Ганибал 

3. УИХ дахь Ардчилсан намын бүлгээс гурван хуулийн төсөлд ажлын хэсэг байгуулах тухай асуудлыг тус тус хэлэлцжээ. 

УИХ-ын гишүүн Х.Тэмүүжин: 
Олон улсын туршлагаас харахад  УИХ-ын дархлаа, улс орны бүрэн эрхт байдлыг илэрхийлж байдаг мөн чанарыг гээхгүйн тулд намын дарга нь парламентын толгой дээр сууж байдаг биш намуудын дунд эрүүл мэтгэлцээн өрнүүлдэг, төвийг сахигч, ноён нуруутай, зангаргатай хэсэг нь парламентын голд зогсож байдаг, эр зоригтой эрч хүчтэй нь ЗГ руугаа явдаг олон улсын туршлагаар явах ёстой. Тиймээс парламентын спикер буюу УИХ-ын даргыг давхар ажил эрхлэлттэй холбоотой тодорхой хязгаар тавих ёстой юм байна. Олон улсад нэг л жишиг байдаг юм байна. Парламентын олон улсын холбоо гэж байдаг ба энэ холбооноос гадагш гарсан албан тушаалыг хавсрахаас бус дотроо ямар нэгэн албан тушаал давхар хашиж болохгүй, намаасаа түдгэлздэг байх ёстой гэсэн зарчмын дагуу хууль өргөн барих болно. УИХ улс төр дагаж савладаг байхгүйн тулд парламентын намуудын дарга нь дотроо мэтгэлцэж, тухайн мэтгэлцээнийг зохион байгуулагч нь нам бус байх ёстой гэв.

Дэлгэрэнгүйг дараах видеоноос хүлээн авна уу.