Цахим орчинд жолоочийн үнэмлэх гаргана, ангилал ахиулна, эрх сэргээнэ гэх зэргээр худал зар мэдээллийг байршуулж, иргэдийн хүсэл сонирхол дээр тулгуурлан залилах гэмт хэргийг үйлдэж байна.  

Цагдаагийн байгууллагаас өнгөрсөн онд жолоодох эрхийн үнэмлэхтэй холбоотой иргэдийг залилсан 21 хэрэгт мөрдөн шалгах ажиллагаа явуулсан байна.

Тээврийн хэрэгсэл жолоодох эрх дуусгавар болох, эрх сэргээх, үнэмлэх олгох журмын дагуу эрх олгогдсон төрийн бус байгууллагын сургалтад хамрагдсанаар жолоодох эрх сэргээгддэг бөгөөд шалгалтад хамрагдахгүйгээр эрх олгох, ангилал нэмэгдүүлэх боломжгүй тул иргэд та бүхэн цахим орчинд нийтлэгдсэн худал зар мэдээлэлд итгэж, бусдад эд хөрөнгөө шилжүүлж, алдахаас урьдчилан сэргийлнэ үү.  

Эх сурвалж: ЦЕГ-ын Хэвлэл мэдээллийн төв