Цахилгааны үнийг өнгөрсөн арваннэгдүгээр сард нэмсэн.

Үүний дараа цахилгааны төлбөр гарч эхлэхэд иргэдээс ирсэн гомдол саналын дагуу Эрчим хүчний зохицуулах хороо, УБЦТС-ын мэргэжилтнүүдийг оролцуулсан шуурхай хурлыг нэгдүгээр сард зохион зохион байгуулжээ.

Нийслэлийн гэр хорооллын цахилгаанаар халаалтаа шийдсэн, гуравдугаар шатлалын хэрэглэгч буюу өндөр хэрэглээтэй ангилалд багтсан 63306 айл бий гэж УИХ-ын гишүүн С.Цэнгүүн мэдээлэв.

Эрчим хүчний зохицуулах хороо эдгээр өрхийн шөнийн тариф тооцох хугацааг уртасгасан юм.

Харин хотын дарга Х.Нямбаатар "Улаанбаатарын гэр хороололд 198 мянган яндан байна гэдэг тооллогыг 2024 оны долоодугаар сард нийслэлийн агаарын бохирдлыг бууруулах чиг үүрэг бүхий байгууллагаас гаргасан" гэжээ.   

Тэдний 63306 мянга нь халаалтаа цахилгаанаар шийджээ. Тэгэхээр 134 мянган өрх “Тавантолгой түлш” компаниас шахмал нүүрс авч хэрэглэдэг байна.