Төвийн бүсийн хөгжлийн чуулган Дарханд болж байна.

Сангийн сайд Б.Жавхлан төвийн бүсийн хөгжлийг дэмжихэд УИХ, Засгийн газраас баримталж буй бодлого, үйл ажиллагааны талаар танилцуулжээ.

Төвийн бүсийн хөгжлийг дэмжихийн тулд олон улстай эдийн засгийн харилцааг өргөжүүлэх, тээвэр логистикийн нэгдсэн сүлжээнд холбоно. Мөн эрчимжсэн хөдөө аж ахуй, боловсруулах үйлдвэрлэлээр төрөлжин, дотоодын хэрэгцээгээ бүрэн хангасан “ЭРҮҮЛ ХҮНС ҮЙЛДВЭРЛЭГЧ, ЭКСПОРТЛОГЧ “ бүс болох бодлогыг УИХ,ЗГ-аас баримтална гэв.

Үүний тулд:

• Эрчим хүчний нийлүүлэлт, авто замын холболтыг нэмэгдүүлж, тээвэр логистикийг сайжруулна.
• Чөлөөт бүс,боомтын хөгжлийг дэмжинэ.
• Инновац,технологийг нэвтрүүлнэ.
• Ногоон, эко суурьшлын бүсийг бий болгоно.
• Хүний нөөцийг чадавхжуулна.

Бүсчилсэн хөгжлийн зорилтын дагуу 2030 онд төвийн бүсийн хөгжилд дараах үр дүн гарна гэсэн тооцоолол байна:

-Бүсийн ДНБ 10-15 их наяд төгрөгт;
-1 хүнд ногдох ДНБ 8410 ам. долларт;
-Хүний хөгжлийн үзүүлэлтийн индекс одоо 0,73 байгаа бол 0,852-д;
-307 мянган хүн ам 405 мянгад хүргэнэ гэв.