Парис 2024 зуны олимпын чөлөөт бөхийн эрэгтэй -125 кг жинд Монголын шигшээ багийн тамирчин, 2021 оны дэлхийн аварга хүрэл, 2022 оны мөнгөтэй, Токиогийн олимпод 5-р байр эзэлсэн 26 настай Мөнхтөрийн Лхагвагэрэл зодоглолоо.

Тэрээр эхний шатанд 2023 оны дэлхийн аваргын хүрэл медальт, мөн оны ПанАмерикийн аварга АНУ-ын 24 настай Мэйсон Марк Парриштай барилдаж 10-5 харьцаагаар яллаа.

Барилдааны явц:

• Лхагвагэрэл +1. 1-0
• Мэйсон +2. 1-2
• Мэйсон +1. 1-3
• Лхагвагэрэл +4. 5-3
• Лхагвагэрэл +1. 6-3
• Лхагвагэрэл +2. 8-3
• Лхагвагэрэл +2. 10-3
• Мэйсон +2. 10-5

Ингэснээр М.Лхагвагэрэл шөвгийн наймд шалгарлаа.

М.Лхагвагэрэл шөвгийн наймд 2023 оны Европын аваргын хүрэл медальт Азербайжаны 32 настай Гиорги Мешвилдишвилитэй барилдахаар боллоо.

М.Лхагвагэрэл шөвгийн наймд 2023 оны Европын аваргын хүрэл медальт Азербайжаны 32 настай Гиорги Мешвилдишвилитэй барилдаж 12-2 харьцаагаар ялагдлаа.

Барилдааны явц:

• Лхагвагэрэл +2. 2-0
• Гиорги +2. 2-2
• Гиорги +1. 2-3
• Гиорги +4. 2-7
• Гиорги +2. 2-9
• Гиорги +2. 2-11
• Гиорги +1. 2-12

Ингэснээр Гиорги Мешвилдишвили хагас шигшээд шалгарлаа. Хэрэв финалд үлдвэл М.Лхагвагэрэл дагаж барилдана.

М.Лхагвагэрэлийг ялсан Азербайжаны Гиорги Мешвилдишвили хагас шигшээд ялагдсанаар М.Лхагвагэрэл дагахааргүй болж тэмцээнээ дуусгалаа.