#CS2 $1,000,000 шагналын сантай "IEM Katowice 2025" нь The MongolZ-ын үндсэн шатанд шууд уригдсан анхны тэмцээн юм.

ESL-ээс жил бүр зохиодог CS2 (Counter Strike 2)-ын томоохон тэмцээнүүдийн нэг "Intel Extreme Masters Katowice 2025" Польшийн Катовиц хотод үргэлжилж байна.

$1,000,000 шагналын сантай тэмцээнд Монголын "The MongolZ" баг дэлхийн чансаанд эзэлж буй байраар хэсгийн шатанд шууд уригдсан бөгөөд өнөөдөр эхний тоглолтоо хийлээ.

Тэд Канадын Рассел "Twistzz" Ван Далкен ахлагчтай "Team Liquid" багтай тоглож 2-1 (Nuke 10-13, Mirage 13-8, Ancient 13-11) харьцаагаар хожив. Тоглолтод Банзрагчийн "910" Өсөхбаяр 95.2 ADR (Average Damage per Round), +11 K-D (Kill and Death) гэсэн үзүүлэлтээр багийнхнаа хошуучилсан бол гараа хугалаад удаагүй Мөнхболдын "Senzu" Азбаяр 67.1 ADR, -6 K-D үзүүлэлттэй тоглолтоо дуусгасан.

• Өнөөдөр юу үзэх вэ? FlyQuest болон Jigglin
• eSports daily. Өнөөдөр юу үзэх вэ?
• The MongolZ хоёрдугаар сарын дундуур болох "PGL Cluj-Napoca 2025" тэмцээнд оролцоно

Ийнхүү Бямбасүрэнгийн "bLitz" Гарьдмагнай ахлагчтай The MongolZ дараагийн шатанд Шведийн Эрик "ztr" Густафсон ахлагчтай "GamerLegion" багийн эсрэг маргааш 23:00 цагаас тоглохоор боллоо.

Харин Team Liquid доош унаж багийн ахлагчаа солиод удаагүй "MOUZ" багийн эсрэг маргааш 20:30 цагаас тоглоно.

Тэмцээний үндсэн хэсгийн шатанд дэлхийн чансааг тэргүүлэгч найман баг шууд уригдсан бол найм нь Play-In шатнаас эрхээ авсан. Хэсгийн шатанд нийт 16 баг хоёр хэсэгт хуваагдан тоглож байгаа ба хэсгээс гурван баг Playoffs шатанд шалгарна.