Замын-Үүд боомтын өргөтгөл шинэчлэлийн хүрээнд зорчигч тээврийн хэсэгт 30 ширхэг, ачаа тээврийн хэсэгт 28 ШИРХЭГ БАРИЛГА байгууламж, иж бүрэн шугам сүлжээ, дэд бүтэц, зам талбай, ногоон байгууламж, орчин үеийн дэвшилтэт технологи бүхий ТЕЛЕХЯНАЛТЫН СИСТЕМ, тээврийн хэрэгслийг автоматаар бүртгэх УХААЛАГ ГАРЦУУД, өндөр хүчин чадлын РЕНТГЕН төхөөрөмжийг ашиглалтад орууллаа.

2024 оны эхний 9 сарын байдлаар улсын хилээр 216 мянган ачааны автомашин улсын хилээр нэвтэрч,  3.1 сая тонн ачааг улсын хилээр нэвтрүүлсэн. Үүнийг 2023 оны бүтэн жилийн үзүүлэлттэй харьцуулахад хилээр нэвтэрсэн ачааны автомашины тоо 28 хувиар, ачаа эргэлт 26 хувиар тус тус өссөн байна.

Зорчигч тээврийн шинэ цогцолборт хүлээлгийн болон үйлчилгээний танхимуудыг цогцоор нь байгуулж, зорчигч, иргэдийн ая тухтай үйлчлүүлэх нөхцөлийг бүрдүүлсэн.

Замын-Үүд-Эрээн боомтоор дэлхий нийтийг хамарсан цар тахлын өмнөх жил буюу 2019 онд 94 мянган ачааны автомашин улсын хилээр нэвтэрч, бараа эргэлт 1,9 сая тонн  байсан бол өргөтгөл шинэчлэл хийгдсэний дараа 2023 онд 171 мянган ачааны автомашин улсын хилээр нэвтэрч, ачаа эргэлт 2,4 сая тонн болж 2019 онтой харьцуулахад улсын хилээр нэвтэрсэн авто машины тоо 81 хувь, ачаа эргэлт 23 хувиар өссөн үзүүлэлттэй байна.

2024 оны эхний 9 сарын байдлаар улсын хилээр 216 мянган ачааны автомашин улсын хилээр нэвтэрч,  3.1 сая тонн ачааг улсын хилээр нэвтрүүлсэн. Үүнийг 2023 оны бүтэн жилийн үзүүлэлттэй харьцуулахад хилээр нэвтэрсэн ачааны автомашины тоо 28 хувиар, ачаа эргэлт 26 хувиар тус тус өссөн байна.

2024 оны 04 сарын 01-ний өдрөөс Замын-Үүд боомтоор нэвтрэх ачаа тээврийн үйл ажиллагаа 24 цагаар тасралтгүй явагдаж эхэлсэн бөгөөд үүнтэй холбоотойгоор өдөрт нэвтрэх ачааны автомашины тоо 200-300-аар, ачаа эргэлт 2.5-3.0 мянга орчим тонноор нэмэгдсэн.

Тус боомтоор 2023 онд 1.2 сая зорчигч хил нэвтэрсэн бол 2024 оны эхний 9 сард 1.4 сая зорчигч хил нэвтэрч хил нэвтэрсэн зорчигчийн тоо 15 хувиар өссөн үзүүлэлттэй байна.