CS2-ын дэлхийн аварга шалгаруулах тэмцээн гэж болохуйц "PGL Major Copenhagen 2024"-ын эрхийн төлөөх Ази тивийн урьдчилсан шатны тэмцээн Хятадын Шанхай хотод эхэллээ.

"PGL Major Copenhagen 2024" гуравдугаар сарын 17-31-ний хооронд Данийн нийслэлд болно. Тус тэмцээнд Ази тивээс хоёр баг оролцох боломжтой.

• Дэлхийн аваргын урьдчилсан шатны тоглолт энэ сарын 26-д эхэлнэ
• Азийн 47 дахь удаагийн Challenger League-т Монголын дөрвөн баг оролцоно
• "TheMongolz" дэлхийн аварга тоглогчтой "ENCE"-д хожигдож тэмцээнээ өндөрлүүллээ

Энэ сарын 28-ыг дуустал үргэлжлэх Asia-Pacific RMR-т Ази, Номхон далайн шилдэг 8 баг өрсөлдөж байгаа дунд Монголын "TheMongolz", "ATOX Esports" багууд болон монгол тоглогчтой "Myth Avenue", монгол дасгалжуулагчтай Австралийн "Grayhound Gaming" багууд оролцож байна.

Тодруулбал, 1,250,000 ам.долларын шагналын сантай мажор тэмцээнд дэлхийн шилдэг 24 баг оролцох учиртай.

Урьдчилсан шатны эхний тоглолт TheMongolz болон Myth Avenue багуудын хооронд BO1 журмаар Ancient map-д болоход TheMongolz 13-4 харьцаагаар хожлоо.

Хоёр дахь тоглолтод Австралийн Grayhound Gaming баг Монголын ATOX Esports багийг Ancient-д 13-4 харьцаагаар хожлоо.

Гурав дахь тоглолтод Хятадын "Lynn Vision Gaming" баг Ойрх Дорнодын "Twisted Minds" багийг Anubis-т 13-7 харьцаагаар хожлоо.

Дөрөв дэх тоглолтод Хятадын "TYLOO" баг Ойрх Дорнодын "JiJieHao" багийг Nuke-т 13-11 харьцаагаар хожлоо.

Дээд хүснэгтийн хагас шигшээд шалгарсан TheMongolz Австралийн Grayhound Gaming багийг Ancient-д 13-4 харьцаагаар хожиж дээд хүснэгтийн финалд шалгарлаа.

Хятадын Lynn Vision Gaming баг нутаг нэгт TYLOO багийг Ancient-д 13-6 харьцаагаар хожсоноор дээд хүснэгтийн финалд TheMongolz-той тоглохоор боллоо.