Сайн ардчилсан нэгдэл намын дарга Б.Жагар, Иргэдийн оролцооны нэгдэл намын дарга Ц.Оюунгэрэл нар өнөөдөр хэвлэлийн бага хурал хийв. Тэд татвар нэмэхгүй, иргэдийн дарамтыг нэмэхгүй гэж шоуны шинж чанартай амлалтууд өгсөн. Гэвч сонгогдсоныхоо маргааш зардал өсгөх талаар ярьж эхлэв.

Эрчим хүчний үнийг нэмэх нь иргэдэд ихээхэн хохиролтойг тэд мэднэ. Харин 126 гишүүний эргэн тойрныхон, цүнх баригчид, дарангуйлагчдад энэ шийдвэр ашигтай. Бид дарангуйлагч намуудад албан шаардлага өгч, хууль бус шийдвэрээ таслан зогсоохыг шаардана. Иргэдийн ажил амьдрал өдрөөс өдөрт доройтно. Энэ бол цаг үеэ олоогүй шийдвэр гэв. Эрчим хүчний үнэ 30 хувиар өсөх сургаар барааны үнээ нэмлээ.

Арван нэгдүгээр сард өргөн хэрэглээний барааны үнэ дахин  нэмэгдэнэ. Үнээ нэмэх ААН-үүдийг буруутгах аргагүй юм. УИХ иргэдээр оролдохын оронд өөрсдийнхөө данхар ширээ сандал, бүтцээ хэмнэх талаар ярих ёстой. Засгийн газар зардлыг хязгааргүй өсгөж байгаа ч үүний хариуцлагыг хүлээх эзэнгүй болсон. Лу Гантөмөр, Л.Оюун-Эрдэнэ, Т.Доржханд нар тогтворгүй эдийн засгийг бий болгов. Тэд суудал хуваарилах, төсөл хөтөлбөрүүдийг хуваан авахын тулд ард түмний амьдралаар тоглож байна гэв.