ТӨСӨВ 2025

Ирэх оны улсын төсвийн гурав дахь хэлэлцүүлгийг өнөөдөр хэлэлцэн, УИХ батална. Өчигдөр Улсын Их Хурлын гишүүн О.Батнайрамдал Үндэсний баялгийн сангийн тухай хуулийг дагаж мөрдөх журмын тухай хуульд нэмэлт оруулах тухай хуулийн төслийн талаар байр сууриа илэрхийлэв.

Энэ төслийг Төсвийн төсөлтэй хамт өргөн барьсан юм.

-2025 онд ашигт малтмалын нөөц ашигласны төлбөрөөс Төсвийн тогтворжуулалтын болон Орон нутгийн хөгжлийн нэгдсэн санд хуваарилаад үлдэх хэсгээс Ирээдүйн өв санд хуваарилна. Гэтэл 65 байгааг 2025 онд 40 хувиар тогтоож байгаатай санал нийлэхгүй. Энэ онд энэ хэмжээг 20 хувиар тогтоосон. Хойтон жил дахин багасгавал энэ хоёр жилд нийт 3.0 их наяд төгрөг алдахаар байна.

УИХ-ын гишүүн О.Батнайрамдал Үндэсний баялгийн сангийн тухай хуулийн төслийн ажлын хэсэгт багтан ажилласан. Энэ хуулийг өнгөрсөн парламент баталсан бөгөөд   

• Төсвийн тогтворжуулалтын сан
• Орон нутгийн хөгжлийн нэгдсэн сан
• Ирээдүйн өв сангаас ҮНДЭСНИЙ БАЯЛГИЙН САН бүрдэнэ гэж заасан. Гэвч АМНАТ-ийн хуримтлалаас эдгээр сан руу оруулах хувь хэмжээг ирэх онд бууруулжээ.