Нийслэлийн 2025 оны төсвийг төлөөлөгчдийн 77.1 хувийн саналаар 3.8 их наяд төгрөг байхаар баталлаа. 

Төсвийн төсөлд ИТХ дахь АН-ын бүлгийн дарга Т.Батцогт, НИТХ-ын Эдийн засаг, төсөв, хөрөнгө оруулалтын хорооны дарга Ж.Сандагсүрэн нар хуралдааны санал дүгнэлтээ танилцуулжээ.

Нийслэлийн төсөвт 2025 онд 3,8 их наяд төгрөгийн орлого төвлөрүүлэхээр баталжээ.

• Үүнээс 85.9 хувь буюу 3 их наяд 314 тэрбум төгрөгийг татварын орлогоор,
• 14.1 хувь буюу 541.9 тэрбум төгрөгийг татварын бус орлогоор бүрдүүлэхийг зорино гэв.

Нийслэлийн 2025 оны төсвийн нийт зарлагын

• 38.1 хувь буюу 1,329 тэрбум төгрөгийг урсгал зардалд,
• 50.4 хувь буюу 1,720.2 тэрбум төгрөгийн хөрөнгийн зардалд,
• 2.2 хувь буюу 78.3 тэрбум төгрөгийг дамжуулан зээлийн эргэн төлөлтөд,
• 8.9 хувь буюу 327.2 тэрбум төгрөгийг үнэт цаасны эргэн төлөлтөд,
• 0.4 хувь буюу 14.1 тэрбум төгрөгийг алслагдсан гурван дүүргийн санхүүгийн дэмжлэгт олгохоор төлөвлөжээ.