Байгаль орчин, хүнс, хөдөө аж ахуйн байнгын хороо өнөөдөр /2025.09.30/ хуралдлаа.

Монгол Улсын 2026 оны төсвийн төсөлд “Хүнсний хувьсгал”, “Цагаан алт”, “Шинэ хоршоо-Чинээлэг малчин” үндэсний хөдөлгөөн, “Атрын IV аян”-ы санхүүжилт, зээлийн эргэн төлөлтийн хөрөнгө болох 45 тэрбум төгрөгийн санхүүжилтийг тусгасан байна.

Дээрх хөтөлбөрүүдийн хүрээнд жил бүр 300 гаруй аж ахуй нэгжид зээл олгодог. Хөтөлбөрүүд амжилттай хэрэгжиж буйн илрэл нь манай улсад борлуулж байгаа гурван өндөг тутмын хоёрыг дотоодод үйлдвэрлэдэг болсон гэв.

Ирэх жил манай улсад болох НҮБ-ын цөлжилттэй тэмцэх талуудын бага хурлын дээд хэмжээний уулзалт СОР-17  зохион байгуулах ажлын хүрээнд 229 тэрбум төгрөгийг төсөвт тусгажээ.

Гишүүдийн зүгээс  ферм байгуулах асуудлыг хувийн хэвшилд шилжүүлэх, СОР-17-той холбоотой барилга байгууламжид төсөв тавих шаардлагатай эсэхэд талаар хэлэлцсэн байна. Мөн АСЕМ зэрэг барилгуудыг ашиглах боломж, өвөлжилтийн бэлтгэл, гантай байсан аймгуудын тариаланчдын зээлийн төлөлтөд анхаарах, говийг усжуулах төсөлд төсөв суулгах шаардлагатай талаар санал хэлжээ.

ХХААХҮЯ-аас ургац хураалт 70 гаруй хувьтай үргэлжилж байна. Өвлийн бэлтгэл хангах ажилтай холбоотой хүндрэл бэрхшээл, дүн мэдээ, тариаланчдад олгож буй хөнгөлөлттэй зээлийн талаарх мэдээллийг ажлын хэсгүүдийн судалгаа, тайлан мэдээ гарч, танилцуулах тухай мэдэгдлээ.