УИХ-ын гишүүн П. Сайнзориг Ерөнхий сайд Г.Занданшатарыг огцруулах гарын үсэг цуглуулж эхэлжээ.

Тэрбээр, Засгийн газрын 8-р сарын хуралдаанаар гаргасан 55-р тогтоолоор ААН-үүдэд АМНАТ-ын хөнгөлөлт олгосон нь төсөвт АМНАТ-аас олох 200 тэрбум төгрөгийн боломжийг хаасан. Уг шийдвэртэй холбоотойгоор Засгийн газарт асуулга тавьсан, улмаар Үндсэн хуулийн цэцэд асуулга тавьсан.  

УИХ-ын гишүүн П.Сайнзориг энэ асуудлаар Ерөнхий сайд Г.Занданшатарыг огцруулах санаачилга гаргаж,  өөрийн албан бичиг дээр УИХ-ын гишүүдээс гарын үсэг цуглуулж эхэлсэн байна.

Тэрбээр өнөөдөр Төрийн ордонд мэдээлэл хийж, Ерөнхий сайдыг огцруулах албан бичигт одоогоор 40 гаруй гишүүн гарын үсэг зураад байна. 

Ерөнхий сайдыг огцруулах саналыг УИХ-ын гишүүдийн дөрөвний нэгээс доошгүй хувь дэмжвэл УИХ-аар хэлэлцэх орчин бүрдэнэ. 1/4-ээс доошгүй гэсэн босгыг аль хэдийнэ давсан. Энэ асуудлыг би УИХ-д маргааш өргөн мэдүүлж, ирэх баасан гарагаас Ерөнхий сайдыг огцруулах асуудлыг УИХ-аар хэлэлцэх боломжтой гэв.