Бүгд Найрамдах Сингапур Улсын Ерөнхий прокурор Люсиен Вонг тэргүүтэй төлөөлөгчдийг Цагдаагийн ерөнхий газрын дарга, Дотоодын цэргийн командлагч, хошууч генерал Ж.Болд  өчигдөр /2026.07.29/ хүлээн авч уулзжээ.

Уулзалтаар хоёр улсын цагдаа, прокурорын байгууллагын хамтын ажиллагааг өргөжүүлэх, үндэстэн дамнасан зохион байгуулалттай гэмт хэрэгтэй тэмцэх, алба хаагчдыг чадавхжуулах чиглэлээр санал солилцсон юм.

Цагдаагийн байгууллагаас дижитал шилжилт, хиймэл оюун ухаан, их өгөгдөлд суурилсан шийдлийг үйл ажиллагаандаа нэвтрүүлж буй талаар танилцууллаа. Мөн Сингапурын Anti Scam Command төвийн туршлагад үндэслэн байгуулсан ажлын үйл ажиллагаа, үр дүнгийн талаар мэдээлэл өгөв.

Цаашид кибер аюулгүй байдал, кибер гэмт хэрэг мөрдөн шалгах ажиллагаа, дижитал нотлох баримтын хадгалалт, хамгаалалт зэрэг чиглэлээр хамтын ажиллагаагаа улам өргөжүүлэхээр болжээ.

Эх сурвалж: Цагдаагийн Ерөнхий Газрын Хэвлэл, Мэдээллийн Төв