МАН-ын Бага хурал өнөөдөр 10.00 цагт Тусгаар тогтнолын ордонд эхэллээ. Хурлаар намын Их хурлын товыг хэлэлцэн тогтооно.

Энэ удаад тус намын даргад УИХ-ын дарга Д.Амарбаясгалан, Ерөнхий сайд Г.Занданшатар нар нэр дэвшиж, намын их хурлын гишүүд сонголтоо хийнэ.

УИХ-ын гишүүн М.Энхтүвшин сэтгүүлчдийн асуултад хариуллаа. Тэрээр хэлэхдээ, улс төрийн нам хэдэн хүн засгийн эрх авч, ажил албан тушаалтай болдог зүйл биш. Өнгөрсөн сонгуульд МАН-ын мөрийн хөтөлбөр улсын эдийн засгийн асуудлыг сайн тусгасан. Гэвч сонгуульд ялаад мөрийн хөтөлбөрийн заалтаа Засгийн газрын үйл ажиллагааныхаа хөтөлбөрт оруулаагүй. Л.Оюун-Эрдэнэд намын даргын хувьд асар их боломж байсан ч ашиглаж чадаагүй. 

Манай намд шүүмжлэлт сэтгэлгээ байхгүй, дарга дагаж хошуурдаг. Өнгөрсөн хугацаанд манай намын дарга хамгийн их вакуумжсан дарга байлаа гэв.