Нийслэлийн удирдах ажилтнуудын шуурхай зөвлөгөөн боллоо. Зөвлөгөөнөөр Улаанбаатар хотын 2025-2026 оны өвөлжилтийн бэлтгэл ажлын явц болоод зам засвар шинэчлэл, цахилгаан, дулаан хангамжийн бэлтгэл ажлыг хэлэлцлээ.

Нийслэлийн 2025-2026 оны өвөлжилтийн бэлтгэл ажил 63 хувийн гүйцэтгэлтэй байна. Үүнд:

• “Улаанбаатар хотын дулаан хангамжийн үр ашгийг дээшлүүлэх төсөл”-ийн найман гол шугамын ажил 85 хувьтай.
• Улаанбаатар дулааны сүлжээ ТӨХК-ийн шугам тоноглол, засварын ажлын явц 53 хувьтай, их засварын хоёр ажил дууссан.
• Улс, нийслэлийн найман ажлын явц 48 хувьтай.
• Хэрэглэгч, орон сууцны конторын засварын ажил 40 хувьтай хэрэгжиж байна

2025 онд нийслэлийн эрүүл мэндийн салбарт 92 нэр төрлийн төсөл, арга хэмжээг хэрэгжүүлнэ. Үүнээс дууссан 65 ажил, хэрэгжиж байгаа 27 ажил байгаа бөгөөд өвөлжилтийн бэлтгэл ажил 70.9 хувийн гүйцэтгэлтэй байгаа аж.