2026 оны 1 дүгээр сарын 30-ны өдөр Богдхан уулын дархан цаазат газрын Нүхтийн амны хязгаарлалтын бүсэд газар ашиглагч “Эй жи жи эс” ХХК-ийн барьсан стандарт бус, шовх үзүүртэй хашаанд халиун буга өлгөгдөж, амь эрсэдсэн.

“Эй жи жи эс” ХХК-ийн газар ашиглагчийн барьсан хашаа нь 2025 оны 10 дугаар сарын 1-ний өдрөөс мөрдөгдөж эхэлсэн UCS 0304B:2025 “Улаанбаатар хотын зуслангийн бүс, Улсын тусгай хамгаалалттай газар нутгийн зэрлэг амьтдад ээлтэй хашаанд тавих ерөнхий шаардлага” стандартыг зөрчсөн байна.

Одоогоор Байгаль орчны хяналтын улсын байцаагч. Нийслэлийн прокурорын хяналт дор зөрчил шалган шийдвэрлэх ажиллагаа явагдаж байгаа юм.

Халиун буга /cervus elaphus /-ын экологи-эдийн засгийн суурь үнэ  12.700.000 төгрөг. Нийт хохирлын үнэлгээ нь 25.400.000 төгрөг болж байгаа юм. Тусгай хамгаалалттай газар нутагт хориглосон үйл ажиллагаа явуулсан,  хууль, захиргааны хэм хэмжээний акт, стандарт, дэглэм, горим зөрчсөн бол торгууль 30.000.000 төгрөгөөр торгох зохицуулалттай.

Холбогдох байгууллагаас  хуулийн этгээдийн 18149.32 м2 газрын эрхийг хэсэгчлэн цуцлах шийдвэрийг гаргажээ.

ЭКОЛОГИЙН КОРИДОР ТУЛГАМДАЖ БАЙГАА БУЙ АСУУДАЛ

Зэрлэг амьтанд тулгамдаж буй асуудал экологийн коридорыг байгуулах Богдхан уулын дархан цаазат газрын биологийн олон янз байдлыг хамгаалах, тоо толгойг тогтвортой хэвийн өсгөх, нүүдэл, шилжилт хөдөлгөөнд нөлөөлж буй саадыг бууруулах нь тулгамдсан асуудал болоод байна.  

Иймээс Батхаан уул, Хөгнөхаан, Хустайн нуруунаас Хан Хэнтийн уулс руу 2 тийш зэрлэг амьтны шилжилт хөдөлгөөнийг тэтгэх зорилгоор НИТХ-ын 2024 оны тогтоолоор Баянзүрх болон Сонгинохайрхан дүүргийн нутаг дэвсгэрт нийт 20345 га газрыг экологийн коридорын зориулалтаар орон нутгийн тусгай хэрэгцээнд аваад байгааг БОУАӨЯ-с мэдээллээ.

Цаашид экологийн коридор орон МУ-ын Урт хугацааны хөгжлийн бодлого 2020-2050, НҮБ-ийн “Тогтвортой хөгжлийн зорилго 2016-2030” 17 зорилтууд Монгол улсын ногоон хөгжлийн бодлого тогтоомжтой уялдуулан боловсруулж холбогдох инженерийн байгууламжуудыг байгуулах нэн шаардлагатай байна.