МАХН-ын XXVI их хурал Төрийн ордонд эхлээд байна. Яг одоо МАХН-ын дарга С.Батболд намын их хурлын илтгэлийг тавьж байна. Тэрбээр энэхүү илтгэлдээ “МАХН-ын бодлого хамгийн түрүүнд хүний хөгжил дээр тулгуурлан эдийн засгаа хөгжүүлж, уул уурхайн салбарын орлогыг нэмэгдүүлнэ. Бид ядуурлыг бууруулж, нийгмийн дундаж давхаргыг нэмэгдүүлнэ” зэрэг олон асуудлыг хөндөн ярьж байна.

Энэ удаагийн их хурлаар МАХН одоогийн дарга С.Батболдыг ёсчлох, намын нэрээ өөрчлөх зэрэг олон чухал асуудлыг хэлэлцэх байгаа.

Өнөөдрийн нээлтийн хуралдаанд МАХН-ын лидерүүд бүгд цугласан байна.

МАХН-ын XXVI Их хуралд нийслэл, хөдөө орон нутгаас ирсэн 801 төлөөлөгч гурван өдөр хуралдах юм.

Хуралдаанаар:
-Монгол Улс ардчилал, зах зээлийн замаар замнасан шилжилтийн 20 жилийн алдаа оноо, сургамж дүгнэлтийг үнэлж дүгнэн, нийгэм, эдийн засгийн цаашдын 20 жилийн хөгжлийн бодлогыг тодорхойлох;
-Намын XXV Их хурлын шийдвэрийн биелэлтийг хэлэлцэх;
-Намын нэр, намын үзэл баримтлалын талаар нээлттэй хэлэлцэх;
-Намын Их хурлын бүрэн эрхэд хамаарах бусад асуудлыг хэлэлцэх юм байна.

Мөн Их хурлын хөтөлбөрийг толилуулж байна.

11 дүгээр сарын 4-ний өдөр Пүрэв гараг
09.00-12.30 Их хурлын нээлтийн хуралдаан
12.30-13.00 Их Монгол Улсыг үндэслэгч-эзэн Чингис хааны хөшөөнд хүндэтгэл үзүүлэх, дурсгалын зураг авахуулах
13.00-14.30 Их завсарлага
15.00-18.00 Үдээс хойшхи хуралдаан
18.30-20.30 Хүндэтгэлийн концерт

11 дүгээр сарын 5-ны өдөр Баасан гараг
09.00-13.00 Үдээс өмнөх хуралдаан
13.00-14.30 Их завсарлага
15.00-18.30 Үдээс хойшхи хуралдаан
19.00-20.00 Завсарлага
20.30 Үдээс хойшхи хуралдаан үргэлжилнэ.

11 дүгээр сарын 6-ны өдөр Бямба гараг
09.00-10.00 Их хурлаас гарах тогтоолын төслийг батлах /Намын Бага хурлын бүрэлдэхүүн, ХЕХ-ны бүрэлдэхүүн/
10.00-13.00 Намын Бага хурлын анхдугаар хуралдаан
13.00-14.30 Их завсарлага
15.00-19.00 Үндэсний бөхийн барилдаан Бөхийн өргөөнд явагдана
19.30-21.30 Хүндэтгэлийн зоог

11 дүгээр сарын 7-ны өдөр Ням гараг
10.00 Төлөөлөгчдийг үдэх гэжээ.

Ч.Болор