УИХ дахь АН-ын бүлэг Ерөнхийлөгч Х.Баттулгатай хамтарч "Эрдэнэс Тавантолгой" ХК-ийн төрийн мэдлийн 86 хувийг 100 хувь иргэдэд шилжүүлэх тухай хуулийн төсөл боловсруулснаа өнөөдөр мэдээллээ. Энэ хуулийн төслөө УИХ-ын гишүүн З.Нарантуяа товч танилцуулав. Уг хуулийн төслийг Ерөнхийлөгч Х.Баттулга ирэх долоо хоногт УИХ-д өргөн мэдүүлэх юм байна.
УИХ-ын гишүүн З.Нарантуяа, "Эрдэнэс Тавантолгой" ХК-ийн 1072 хувьцааг иргэн бүр эзэмшээд, удаж байгаа ч хувьцааныхаа өгөөжийг хүртэж чадахгүй байгаа. Монгол Улсад нийтийн өмчлөлийн нэг компани байгаа нь Эрдэнэс Тавантолгой ХК.
Гэтэл нийтийн өмчлөлийн компанийн эрхзүйн үндэс, энэ компанийн баялгийг яаж захиран зарцуулах тухай хууль байдаггүйгээс орон нутгийн өмчийн оролцоотой компани нь Төрийн өмчийн тухай хуулиар, бусад компани нь Компанийн тухай хуулийн хүрээнд үйл ажиллаж явуулж ирсэн.
Иргэд "Эрдэнэс Тавантолгой"-н 14 хувийг эзэмшдэг хэр нь ногдол ашгийг хүртдэггүй, компанийн үйл ажиллагаанд оролцож чаддаггүй, өөрсдөө удирдах дээд байгууллагад нь сонгогдож чаддаггүй. Одоо энэ компани борлуулалтын болон бусад гэрээг ашиггүйгээр хийдэг муу засаглалтай компанийн үлгэр жишээ болоод ажиллаж байна.
Тиймээс бид энэ компанийг нийтийн өмчлөлтэй компани болгон хуулийн зохицуулалтыг шинэчилж, энэ хуулийг батлуулахаар ажиллаж байна. Энэ хуулийг баталснаар "Эрдэнэс Тавантолгой" компанийн төрийн мэндлийн 86 хувийн хувьцааг 100 иргэдэд шилжүүлэх санаа хуулийн төсөлд явж байгаа. Ингэснээр жижиг хувьцаа эзэмшигчдийн компанийн үйл ажиллагаанд тавих хяналт сайжирна.
Төр бол зөвхөн алтан хувьцаа эзэмшинэ. Алтан хувьцаа эзэмшсэнээр ногдол ашиг авахгүй. Компанийн хувь нийлүүлэгчдийн болон ТУЗ-д гүйцэтгэх удирдлагаас улс орны эрх ашигт харш шийдвэр гаргавал хориг тавих эрх л төрд үлдэнэ. Нээлттэй, ил тод болсноор борлуулалтын орлого нэмэгдэнэ, нээлттэй зах зээлд удахгүй гарах бэлтгэл хангагдана гэж үзэж байгаа. Ийм үндсэн зохицуулалтууд энэ хуулийн төсөлд орсон гэлээ.
УИХ дахь АН-ын бүлэг Ерөнхийлөгч Х.Баттулгатай хамтарч "Эрдэнэс Тавантолгой" ХК-ийн төрийн мэдлийн 86 хувийг 100 хувь иргэдэд шилжүүлэх тухай хуулийн төсөл боловсруулснаа өнөөдөр мэдээллээ. Энэ хуулийн төслөө УИХ-ын гишүүн З.Нарантуяа товч танилцуулав. Уг хуулийн төслийг Ерөнхийлөгч Х.Баттулга ирэх долоо хоногт УИХ-д өргөн мэдүүлэх юм байна.
УИХ-ын гишүүн З.Нарантуяа, "Эрдэнэс Тавантолгой" ХК-ийн 1072 хувьцааг иргэн бүр эзэмшээд, удаж байгаа ч хувьцааныхаа өгөөжийг хүртэж чадахгүй байгаа. Монгол Улсад нийтийн өмчлөлийн нэг компани байгаа нь Эрдэнэс Тавантолгой ХК.
Гэтэл нийтийн өмчлөлийн компанийн эрхзүйн үндэс, энэ компанийн баялгийг яаж захиран зарцуулах тухай хууль байдаггүйгээс орон нутгийн өмчийн оролцоотой компани нь Төрийн өмчийн тухай хуулиар, бусад компани нь Компанийн тухай хуулийн хүрээнд үйл ажиллаж явуулж ирсэн.
Иргэд "Эрдэнэс Тавантолгой"-н 14 хувийг эзэмшдэг хэр нь ногдол ашгийг хүртдэггүй, компанийн үйл ажиллагаанд оролцож чаддаггүй, өөрсдөө удирдах дээд байгууллагад нь сонгогдож чаддаггүй. Одоо энэ компани борлуулалтын болон бусад гэрээг ашиггүйгээр хийдэг муу засаглалтай компанийн үлгэр жишээ болоод ажиллаж байна.
Тиймээс бид энэ компанийг нийтийн өмчлөлтэй компани болгон хуулийн зохицуулалтыг шинэчилж, энэ хуулийг батлуулахаар ажиллаж байна. Энэ хуулийг баталснаар "Эрдэнэс Тавантолгой" компанийн төрийн мэндлийн 86 хувийн хувьцааг 100 иргэдэд шилжүүлэх санаа хуулийн төсөлд явж байгаа. Ингэснээр жижиг хувьцаа эзэмшигчдийн компанийн үйл ажиллагаанд тавих хяналт сайжирна.
Төр бол зөвхөн алтан хувьцаа эзэмшинэ. Алтан хувьцаа эзэмшсэнээр ногдол ашиг авахгүй. Компанийн хувь нийлүүлэгчдийн болон ТУЗ-д гүйцэтгэх удирдлагаас улс орны эрх ашигт харш шийдвэр гаргавал хориг тавих эрх л төрд үлдэнэ. Нээлттэй, ил тод болсноор борлуулалтын орлого нэмэгдэнэ, нээлттэй зах зээлд удахгүй гарах бэлтгэл хангагдана гэж үзэж байгаа. Ийм үндсэн зохицуулалтууд энэ хуулийн төсөлд орсон гэлээ.