Шүүхийн шийдвэр гүйцэтгэх ерөнхий газрын харьяа хорих 461 дүгээр ангид хоригдож байх хугацаандаа амь насаа алдсан иргэний хэргийн асуудлаар УИХ-ын гишүүн Ж.Баярмаа, С.Цэнгүүн, Д.Энхтуяа болон УИХ-ын гишүүн Ж.Баясгалан нар өнөөдөр мэдээлэл хийлээ. 

УИХ дахь ардчилсан намын бүлгийн гишүүд цагдаагийн байгууллага, хорих болон цэргийн ангиуд дахь хүний эрхийн зөрчил, хууль тогтоомжийн хэрэгжилтийн талаар Хүний эрх, эрх чөлөөг хангахтай холбоотой хяналтын сонсголыг зохион байгуулах хүсэлтийг гаргаж байгаа бөгөөд тун удахгүй сонсгол зохион байгуулах хүсэлтээ УИХ-ын даргад хүргүүлнэ гэж мэдэгдлээ. 

УИХ дахь Ардчилсан намын бүлгийн гишүүдийн зүгээс Хууль сахиулах болон Батлан хамгаалах салбарын хууль тогтоомжид нэмэлт өөрчлөлт оруулах замаар хариуцлагын механизмыг сайжруулах хэрэгтэй гэж үзэж байна.