Нийслэлийн Засаг даргаас үнэт цаасны зарцуулалтын тайланг энэ сарын 12-ны өдрийн байдлаар ирүүлжээ. 

Үнэт цаасны зах зээлийн тухай хууль, Аймаг, нийслэлийн үнэт цаас гаргах, арилжаалах, мэдээлэх журмын дагуу үнэт цаасыг ямар төслүүдэд зарцуулснаа тайлагнах үүрэгтэй. Төлөвлөгөөнд тусгасан 500.0 тэрбум төгрөгөөс

• 465.0 тэрбум төгрөгийг төсөл, арга хэмжээний санхүүжилтэд зарцуулсан бол 
• 35.0 тэрбум төгрөгийн гүйцэтгэл хүлээгдэж байна.

НИТХ 100 мянган төгрөгийн нэрлэсэн үнэ бүхий 5 сая ширхэг хүртэлх нийслэлийн үнэт цаасыг дотоодын зах зээлд гаргаж, үе шаттай арилжихыг зөвшөөрсөн юм. Нийслэл үнэт цаас арилжаалж, төвлөрсөн хөрөнгийн эх үүсвэрээр дараах төслүүдийг санхүүжүүлэхээр төлөвлөжээ:

•  Эрчим хүч хуримтлуурын станцын ажил 296 тэрбум төгрөг
•  Ашиглалтын шаардлага хангахгүй, нийтийн зориулалттай орон сууцны барилгыг буулган дахин барилгажуулах төслийн инженерийн шугам сүлжээний ажил 26.9 тэрбум төгрөг
•  Гэр хорооллын дахин төлөвлөлтийн хүрээнд хэрэгжүүлэх гадна инженерийн шугам сүлжээний ажил 52.5 тэрбум төгрөг
•  Авто зам замын байгууламжийн засвар, шинэчлэлт, зураг төсвийн ажлыг 120.6 тэрбум төгрөгөөр нэмэгдүүлэх
• Сэлбэ дэд төвийн орон сууцны иж бүрэн цогцолбор хорооллыг 1.6 их наяд төгрөгөөр нэмэгдүүлэх

Эх сурвалж: Хөрөнгийн бирж