#3x3 Шөвгийн наймд эрэгтэй баг Австралитай, эмэгтэй баг Филиппинтэй маргааш тоглоно.

3x3 сагсан бөмбөгийн Азийн аварга шалгаруулах тэмцээн энэ сарын Сингапур улсад үргэлжилж байна. Өнөөдөр Монголын эрэгтэй, эмэгтэй шигшээ багууд хэсгийн шатны тоглолтоо хийв.

А хэсгийг толгойлсон Монголын эрэгтэй шигшээ баг эхний тоглолтдоо Сингапурыг 22-10 харьцаагаар, хоёр дахь тоглолтдоо Хонконгийг 22-8 харьцаагаар хожиж хэсгээ тэргүүлээ.

Ийнхүү тэд шөвгийн наймд C хэсгийн хоёрдугаар байр Австралийн шигшээ багтай маргааш 14:20 цагаас тоглохоор болов.

Эрэгтэй шигшээ баг: А.Ананд, Э.Дөлгөөн, Ц.Отгонжаргал, Г.Дөлгөөн

• 3x3 шигшээ баг Азийн аваргад Д.Дэлгэрням, О.Энхбаатар нарыг авч явахгүй
• Металууд Азийн аваргуудын лигийн нээлтийн тоглолтдоо хожлоо
• СПОРТЫН ЦАГЛАВАР: 2025 оны дөрөвдүгээр сар

Харин B хэсгийг толгойлсон Монголын эмэгтэй шигшээ баг эхний тоглолтдоо Тайванийг 21-14 харьцаагаар хожсон ч хоёр дахь тоглолтдоо Тайландад 11-17 харьцаагаар хожигдов. Улмаар Тайландтай оноо тэнцсэн ч хэсгийн 1-р байраар шөвгийн наймд шалгарав.

Ийнхүү тэд D хэсгийн хоёрдугаар байр Филиппиний шигшээ багтай маргааш 15:10 цагаас тоглохоор болов.

Эмэгтэй шигшээ баг: О.Хулан, Э.Нарангоо, М.Булбул, Б.Ариунцэцэг