УИХ-ын чуулганы нэгдсэн хуралдаан эхэллээ. Хуралдаанаар 2026 оны Төсвийн төсөл болон төсвийн хүрээний мэдэгдлийг хэлэлцэж байна. 

УИХ-ын гишүүн Б.Бейсен, Баян-Өлгий аймгийн Цэнгэл сумын дунд сургуулийн сурагчид гурван жил гадаа биеийн тамирын хичээл гадаа орж байна. Спорт заалны төсвийг хассан байх юм. Аубакир гишүүн та үүнийг анхаараагүй юм уу? Би иргэдтэй уулзахдаа хэлнэ дээ.

Сангийн сайд Б.Жавхлан, Зарчмаараа явах ёстой. Чиглэл чиглэлийн төслүүд яамдуудаараа дамжуулан ирдэг. Яамдын өөрийн бодлогын эрэмбэ дараалал, бүсчилсэн хөгжлийн бодлого, төсвийн хязгаартаа багтаж төсөлд тусгадаг.

Баян-Өлгий аймагт ирэх жил шинэ сургууль, цэцэрлэг барих шаардлагагүй. Бусад аймгуудтай харьцуулахад сургууль, цэцэрлэгийн асуудал шийдэгдсэн. Спорт заал барих төсвийн санал салбарын яамнаас ирээгүй. Тэгэхээр яамны бодлогын шалгуур даваагүй байж болох юм.

Боловсролын сайд Б.Наранбаяр, Цэнгэл сумын сургуулийн спорт заал барих санал ирсэн. Төсвийн тухай хуулийн шаардлагын дагуу зураг төсөлтэй байх ёстой. Энэ шалгуур хангасан. Дан спорт заал учир эрэмбийн дээгүүр орж чадаагүй. Яамнаас 3 ээлжид орох эрсдэлийг бууруулах гол шалгуур тавьсан. Заалны асуудлыг яаж томъёолж оруулж ирэхийг ярих ёстой гэж бодож байна.