Цаг агаарын аюултай үзэгдлээс сэрэмжлүүлэх мэдээ: 9-р сарын 13-ны өдөр Хэнтий, Дорнодын нутгаар ахиухан хэмжээний бороо орно.

Малчид, тээвэрчид, тариаланчид, хадланчдын анхааралд: Өнөөдөр 13-ны өдөр нутгийн зүүн хагаст ахиухан хэмжээний бороо, уулархаг нутгаар нойтон цас орж, ихэнх нутгаар сэрүүсэж, говь, тал, хээрийн нутгаар салхи секундэд түр зуур 18-20 метр хүрч ширүүсэх тул зам даваа гүвээнд халтиргаа гулгаа үүсэхийг онцгойлон анхааруулж байна.

2025 оны 09-р сарын 13-ны 08 цагаас 20 цаг хүртэлх
цаг агаарын урьдчилсан мэдээ:

Нутгийн баруун хэсгээр солигдмол үүлтэй, бусад нутгаар үүлшинэ. Төв болон зүүн аймгуудын ихэнх нутаг, говийн аймгуудын нутгийн хойд хэсгээр бороо, уулаараа нойтон цас орно.

Салхи нутгийн баруун хагаст баруун хойноос, бусад нутгаар баруун өмнөөс баруун хойш эргэж секундэд 8-13 метр, говь, тал, хээрийн нутгаар секундэд түр зуур 18-20 метр хүрч ширүүснэ.

Дархадын хотгор, Хангай, Хэнтийн уулархаг нутаг, Туул, Тэрэлж голын хөндийгөөр +5…+10 градус, говийн бүс нутгийн хойд хэсэг, Дорнод-Дарьгангын тал нутаг, Халх голын сав газраар +17...+22 градус, говийн бүс нутгийн өмнөд хэсгээр +22...+27 градус, бусад нутгаар +11...+16 градус дулаан байна.

УЛААНБААТАР ХОТ ОРЧМООР: Үүлшинэ. Бороо орно. Салхи баруун өмнөөс хойш эргэж секундэд 6-11 метр, зарим үед секундэд 13-15 метр хүрч ширүүснэ. Өдөртөө сэрүүсэж +9...+11 градус дулаан байна.

БАГАНУУР ОРЧМООР: Үүлшинэ. Бороо орно. Салхи баруун өмнөөс хойш эргэж секундэд 7-12 метр, зарим үед секундэд 14-16 метр хүрч ширүүснэ. Өдөртөө сэрүүсэж +8...+10 градус дулаан байна.

ТЭРЭЛЖ ОРЧМООР: Үүлшинэ. Бороо орно. Салхи баруун өмнөөс хойш эргэж секундэд 6-11 метр, зарим үед секундэд 13-15 метр хүрч ширүүснэ. Өдөртөө сэрүүсэж +6...+8 градус дулаан байна.

05 цагт Улаанбаатар: +9 градус дулаан, харьцангуй чийг 89 хувь, агаарын даралт 858 гектопаскаль байлаа. Даралт өдөртөө өснө.

Өнөөдөр /2025.09.13/ 08:00 цагийн байдлаар бороо орж байгаа аймаг сумд.

• Завхан - Тэлмэн
• Хөвсгөл - Бүрэнтогтох, Галт, Мөрөн, Алаг-Эрдэнэ, Рашаант, Тариалан, Тосонцэнгэл, Түнэл, Төмөрбулаг, Хатгал тосгон
• Архангай - Жаргалант, Хашаат, Цэцэрлэг, Эрдэнэмандал, Өгийнуур
• Өвөрхангай - Хархорин
• Булган - Баян-Агт, Бугат, Булган, Бүрэгхангай, Гурванбулаг, Могод, Орхон, Сайхан, Сэлэнгэ, Хангал, Хишиг-Өндөр, Хутаг-Өндөр
• Орхон - Баян-Өндөр, Жаргалант
• Сэлэнгэ - Баянгол, Бугант, Ерөө, Зүүнбүрэн, Мандал, Орхонтуул, Сүхбаатар, Хушаат, Хүдэр
• Дархан-Уул - Дархан, Хонгор, Шарын гол
• Төв - Батсүмбэр, Баян, Баянчандмань, Борнуур, Жаргалант, Зуунмод, Мөнгөнморьт, Эрдэнэ, Эрдэнэсант
• Дундговь - Сайхан-Овоо
• Хэнтий - Батширээт, Баян-Адрага, Биндэр, Норовлин, Батноров, Баян-Овоо, Дадал, Цэнхэрмандал, Өмнөдэлгэр
• Дорнод - Баян-Уул, Баяндун, Булган, Хөлөнбуйр, Чойбалсан
• Сүхбаатар - Асгат, Баруун-Урт, Баяндэлгэр, Дарьганга, Мөнххаан, Наран, Сүхбаатар, Түвшинширээ, Уулбаян
• Нийслэл - Улаанбаатар хотод бороо орж байна.

Эх сурвалж: ЦУОШГ